Një rrugë, një mijë probleme. Kështu përkufizohej në vitin e shpalljes së pavarësisë së Kosovës asfaltimi me gurë vullkanikë i 8 kilometrave të magjistrales Prishtinë-Ferizaj, nga hyrja e Prishtinës deri në Hyrje të Lipjanit.
Investimi prej 1 milion e 300 mijë eurosh vetëm për këtë lloj gurësh në atë kohë, po del të ketë qenë i gabuar, shkruan Gazeta Fjala.
Tani, Qeverisë së Kosovës më shtrenjtë po i kushton ti prishë rrugët që u shtruan pa plan se ti ndërtoi të rejat.
Pagesa, prej mbi 200 mijë euro, në ndarjen e trasesë alternative me mur mbrojtës prej metali, në këtë projekt po hiqet me eskavator.
Ministria e Infrastrukturës, ka ndarë afro 700 mijë euro që i tërë brezi ndarës të largohet përgjatë magjistrales dhe rruga të bëhet me tri korsi.
Njëjtë po veprohet edhe në magjistralen Prishtinë – Fushë Kosovë, duke quar koston e shpenzimeve të reja në mbi 1 milion euro.
“Investimi në zgjerimin e trasesë së rrugës Prishtinë deri te rrethi i QMI-së do të kushtoj 698,523.94 € Vendosja e mbrojtësve të rrugës të cilat në terminologjinë tonë i quajmë (pahi elastike), në ndërtimin fillestar kanë kushtuar 227,525.20 euro”, ka thënë për Gazetën Fjala, Saranda Jusufi zyrtare për informim në këtë Ministri.
Ndërkaq, për 2.9 kilometra, nga hyrja e Prishtinës deri te rrethrrotullimi në Fushë Kosovë rruga do të kushtojë 633, 761.67 euro.
Se investimet e tilla, është dashur të planifikohen me kohë, mendon edhe njohësi i çështjeve ekonomike Ibrahim Rexhepi.
Sipas Rexhepit, investimi i Ministrisë së Infrastrukturës, është shpenzim i dyfishtë i parasë, derisa vlerëson se të gjitha gjërat janë zhvilluar pa ndonjë plan.
“E mira do të ishte që punët të ishin kryer njëherë e përgjithmonë. Mirëpo, për shumë kohë gjërat janë zhvilluar në mënyrë strike, pa ndonjë plan të qartë dhe me zgjidhje aty për aty. Prandaj, tash ato paraqiten pengesë”, thotë për Gazetën Fjala, eksperti i ekonomisë.
Mirëpo, përkundër kësaj Rexhepi, vlerëson se një intervenim i tillë është i domosdoshëm, për shkak të ndryshimit të kërkesave e standardeve, derisa nuk e mohon se të gjitha punët kanë mundur të parashihen vite më parë.
“Pa dyshim se është shpenzim i dyfishtë i parasë, por tash intervenimi në këtë segment rrugor është i domosdoshëm, meqenëse kanë ndryshuar kërkesat dhe standardet. Mirëpo, që te gjitha kanë mundur të parashihen shumë vite më parë”, ka deklaruar ai.
Përveç zhvillimit të punimeve në zgjerimin e trasesë, në këtë rrugë shpesh është dashur të intervenohet edhe në mbulimin e gropave për shkak të dëmtimeve të asfaltit.
Shoqëria civile dhe njohësit e kësaj fushe kanë kritikuar vazhdimisht Qeverinë e Kosovës, për orientim të buxhetit të shtetit vetëm në projekte infrastrukturore.
Megjithatë, planifikimet tregojnë se këto kritika nuk janë marrë shumë parasysh pavarësisht nevojave për investim në sektorë tjerë.
Të premten gjatë ditës, ministri Lutfi Zharku, ka paralajmëruar se do të bëj edhe prezantimin e projektit të Autostradës Prishtinë- Gjilan- Dheu i Bardhë, për të cilën janë në dispozicion 150 milionë euro, ndërsa pjesa tjetër ende nuk është siguruar nga Qeveria. /GazetaFjala/Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
GoBau – Kositëse bari
Pasuria e guvernatorit të BQK-së, drejtorit ATK-së dhe drejtorit të Doganës
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë