Me rezultat 5-1, Milani ka triumfuar përballë Fiorentinas në ndeshjen e fundit sezonale në Serie A që u zhvillua në San Siro.
Të parët kaluan në epërsi mysafirët me golin e Giovanni Simeone (20'), mirëpo vendasit e barazuan shumë shpejt rezultatin përmes Hakan Calhanoglu (23').
(Foto: Getty Images)
Pa përfunduar pjesa e parë, rezultati u kthye në favor të Rossonerëve, ndërsa golashënues ishte Patrick Cutrone (42').
Nikoqirët vazhduan të shnëonin edhe në pjesën e dytë për ta vulosur fitoren në këtë takim.
Fillimisht, Nikola Kalinic e realizoi golin e tretë të Milanit (49'), kurse Patrick Cutrone e shënoi golin e dytë personal dhe të katërtin për vendasit (59').
(Foto: Getty Images)
Giacomo Bonaventura e vendosi rezultatin përfundimtar të takimit (76').
Pas kësaj fitoreje, Milani e ka përfunduar sezonin 2017/2018 në vend të gjashtë në tabelë duke siguruar pjesëmarrjen e drejtpërdrejtë në fazën grupore të Europa League.
Nga 38 xhiro të zhvilluara, Rossonerët kanë arkëtuar 64 pikë, nga 18 fitore,10 barazime dhe 10 humbje.
Fiorentina e mbyll sezonin në vend të tetë, jashtë zonës evropiane, me 57 pikë të grumbulluara./Telegrafi/
https://www.dailymotion.com/video/x6jxjll
https://www.dailymotion.com/video/x6jxjim
https://www.dailymotion.com/video/x6jxkv1
https://www.dailymotion.com/video/x6jxm9e
https://www.dailymotion.com/video/x6jxmsv
https://www.dailymotion.com/video/x6jxnqc
