Milani dhe Interi janë gati për ndërtimin e stadiumit të ri

Milani dhe Interi raportohet se po punojnë drejt ndërtimit të një San Siro apo Giuseppe Meazza të ri, i cili do të bazohej në stadiumin MetLife dhe do të fillojë të ndërtohet nga viti 2023.

Sipas gazetës La Reppublica, Milani është duke pritur vetëm Interin për të dhënë dritën e gjelbër në projektin e stadiumit, pasi tek klubi i tyre këshilli ka miratuar idenë.

Gazeta shpjegon se San Siro i tanishëm do të rrëzohet dhe do të zëvendësohet nga një stadium i ri prej 60,000 vendesh, i cili do të ndërtohej disa qindra metra më larg.

Lexo po ashtu Sot 91 vite më parë Milani dhe Interi inauguruan ‘San Siron’ (Foto)

Stadiumi i ri do të kushtonte 600 milionë euro për tu ndërtuar, pak më shumë se kostoja e projektit të rinovimit të Real Madridit për Santiago Bernabeun.

Megjithatë, impianti i ri do të përfshinte të drejtat e emërtimit të stadiumit me vlerë së paku 25 milionë euro në vit.

Drejtuesit ekzekutivë të klubeve, Ivan Gazidis dhe Alessandro Antonello thuhet se kanë udhëtuar tashmë në SHBA për të diskutuar financimin me bankën e investimeve Goldman Sachs.

Dyshja e drejtorëve gjithashtu janë aty për të studiuar stadiume tjera moderne, të cilat përfshijnë heqjen e çative, ndërrimin e fasadave dhe hapësira rrëshqitëse.

Lexo po ashtu Interi dhe Milani arrijnë marrëveshje për stadiumin

Modeli për San Siron e ri, është stadiumi MetLife në New York, i cili shërben si  shtëpi për ekipin nga NFL, New York Giants dhe ekipin e futbollit New York Jets.

La Repubblica shton se projekti përfshin një arenë prej pesë mijë vendesh për koncerte dhe ngjarje, plus një kompleks të ri tregtar në zonën që rrethon stadiumin. /Telegrafi/