Miku i familjes së Bryant situatën e rëndë e krahason me një “vrimë të zezë që nuk mbushet kurrë”

Ish-trajneri i Kobe Bryant dhe miku më i mirë i babait të tij, Wayne Slappy, ka thënë se familja e yllit të NBA është duke vuajtur shumë për t’u përballur me zbrazëtinë pas vdekjes së ish-basketbollistit dhe vajzës së tij.

Në një intervistë për DailyMail.com, miku i familjes së Bryant ka folur se si e ka pritur lajmin për vdekjen e legjendës, ndërkohë që ka treguar edhe për situatën e rëndë në familjen e tij.

Lexo po ashtu Kobe Bryant ishte i martuar dhe kishte katër fëmijë - vajza e tij e preferuar vdiq bashkë me të në aksident

“Kur hyra në veturë e mora mesazhin. Pastaj fillova të marr telefonatë pas telefonate. U përpoqa t;i telefonoj Jellybean (Joe Bryantit, babait të Kobe), nuk mu përgjigj, ndërsa kjo nuk kishte ndodhur më parë. Qëndrova ulur në vendparkimin e Costco duke qarë për një orë”, ka thënë ai.

https://www.instagram.com/p/BxYER-JngPv/

Më pas, trajneri 65 vjeçar e ka përshkruar gjendjen jashtëzakonisht të vështirë në familjen e Bryant.

“Mund ta imagjinoni një vrimë të zezë? Është e zbrazët, si mund ta mbushni? Ata janë një familje e lidhur ngushtë. Ai ishte 41 vjeçar dhe ka vdekur edhe vajza e tij në aksident me të”.

https://www.instagram.com/p/B06ZzvFHizD/

“Familjes së tij do t’i mungojë shumë më tepër sesa mund ta imagjinoni”, ka deklaruar miku i familjes, Wayne Slappy.

Kujtojmë që Bryant dhe vajza e tij e dytë, Gianna, e humbën jetën në një aksident me helikopter mëngjesin e të dielës. /Telegrafi/

https://www.instagram.com/p/B19p0ZWH5_l/