LAJMI I FUNDIT:

Mikroplastika për herë të parë është gjendur në zemrën e njeriut! Në 15 pacientë u gjetën nëntë lloje

Mikroplastika për herë të parë është gjendur në zemrën e njeriut! Në 15 pacientë u gjetën nëntë lloje

Përdoret për ambalazhimin e ushqimeve dhe ja sa e rrezikshme është për shëndetin

Marsin e kaluar, shkencëtarët holandezë zbuluan grimca mikroplastike në gjakun e njeriut dhe tani për herë të parë është zbuluar në zemrën e njeriut.

Grimcat, të cilat janë më të vogla se pesë milimetra, hidhen jashtë me plastikë njëpërdorimëshe.


Këto janë shishe dhe ambalazhe për ushqim, dhe më pas kalojnë në ajër, ujë dhe ushqim rreth nesh, transmeton Telegrafi.

Shoqata kimike amerikane analizoi mostrat e indeve të zemrës nga 15 pacientë që kishin pasur operacione në zemër. Mjekët morën mostra gjaku para dhe pas operacionit dhe në të gjitha mostrat u gjetën mikroplastikë.

Siç kanë deklaruar ata besojnë se njerëzit i kanë thithur me ajër apo i kanë gëlltitur. Madje, në pesë lloje të indeve të zemrës, u gjetën nëntë lloje plastike.

Grimcat e plastikës, e cila përdoret si alternativë ndaj xhamit, janë gjetur në pjesë të ndryshme të zemrës dhe studiuesit theksojnë se ato nuk mund t’i atribuohen “ekspozimit aksidental gjatë operacionit”.

Llojet e tjera të plastikës të gjetur përfshijnë polietilen tereftalat, i cili përdoret në kontejnerë veshjesh dhe ushqimesh, klorur polivinil (PVC), i cili shpërndahet gjerësisht dhe gjendet në zdrukthëtari, tubacione të ujitjes, bojëra.

Mikroplastika e gjetur në ushqime mund të rrisë rrezikun e kancerit – thotë studimi
Lexo po ashtu Mikroplastika e gjetur në ushqime mund të rrisë rrezikun e kancerit – thotë studimi

“Kërkimet e reja janë të nevojshme për të shqyrtuar ndikimin e kirurgjisë në futjen e mikroplastikës në trup, si dhe efektet e mundshme të mikroplastikës në organet e brendshme të njeriut”, sipas studimit, i cili gjithashtu tregoi se një person mesatar thith mikroplastikë me vlerë të kartës së kreditit çdo javë.

Hulumtimet vazhdojnë të tregojnë se ekspozimi afatgjatë ndaj mikroplastikës prish sistemin endokrin, rrit rrezikun e zhvillimit të diabetit të tipit 2 dhe sëmundjeve të zemrës.

Ekspertët kanë lidhur nivelet më të larta të dioksinave, ftalateve dhe presionit të gjakut me gjendjet inflamatore para sëmundjes, uljen e glukozës gjatë agjërimit, rezistencën ndaj insulinës dhe obezitetin, duke rritur ndjeshëm gjasat për diabetin e tipit 2. /Telegrafi/

Në trend Shëndetësi

Më shumë
Thyerja e gishtit të madh: Shërimi është i gjatë dhe komplikimet janë të mundshme

Thyerja e gishtit të madh: Shërimi është i gjatë dhe komplikimet janë të mundshme

Kalo në kategori