Mikel Merino ‘heroi’ i Arsenalit – hyn nga banka dhe shënon dy gola në fitoren ndaj Leicester Cityt

Arsenali ka fituar me rezultat 2-0 në udhëtim ndaj Leicester Cityt në kuadër të javës së 25-të në Ligën Premier. 

Pjesa e parë ishte shumë e zbehtë pa shumë raste shënimi dhe mundësia e vetme për gol i takoi Wilfried Ndidit në minutën e 45-të, por ai nuk e gjeti rrjetën. 

Me të filluar pjesa e dytë Arsenali rriti intensitetin e lojës duke krijuar më shumë raste shënimi. 

Kjo u shpërblye në fund pasi ata ia dolën të gjejnë golin e fitores duke siguruar tri pikë tejet të rëndësishme në udhëtim. 

Goalless at the break.

Let’s step it up a gear, Gunners 👊 pic.twitter.com/coMNe3mOR5

— Arsenal (@Arsenal) February 15, 2025

Fillimisht ishte Ethan Nwaneri i cili në minutën e 61-të pas një aksioni individual goditi traversën. 

Ishte pikërisht Nwaneri i cili rrezikoi sërish portën e Leicesterit në minutën e 77-të, por portieri bëri një super pritje për t’ia mohuar golin. 

Introduced off the bench as a centre-forward, and then scores the crucial goal to put @Arsenal ahead!

Mikel Merino 👏#LEIARS pic.twitter.com/MvZjZs6RnI

— Premier League (@premierleague) February 15, 2025

Pas disa tentimeve të njëpasnjëshme, ‘Topçinjtë’ më në fund ia dolën të shënojnë në minutën e 81-të përmes Mikel Merinos i cili me kokë realizoi për 1-0.

Ishte pikërisht Merino i cili u përkujdes të shënonte sërish në minutë e 87-të për 2-0 pas asistimit të Leandro Trossard për të siguruar tri pikë të rëndësishme.

Pas kësaj fitore Arsenali shkon në kuotën e 53 pikëve dhe mban pozitën e dytë në tabelë, me katër pikë më pak se lideri Liverpool që ka 57 sosh./Telegrafi/