Microsoft Edge po punon në një veçori që do të përmirësojë cilësinë e videove që luhen në ueb

Microsoft Edge thuhet se po punon për një veçori të re që do të përmirësojë cilësinë e videove të luajtura në ueb.

Veçoria jo vetëm që do të përmirësojë videot me rezolucion të ulët, por gjithashtu do të heqë defekte duke përdorur GPU-të Nvidia-s, transmeton Telegrafi.

Firma tashmë ka filluar testimin e veçorive të reja për përdoruesit e Windows në kanalin e testimit të shfletuesit dhe rreth 50 për qind e përdoruesve duhet të kenë akses në aftësitë e reja.

Ky funksion, pasi të aktivizohet, do t’i lejojë përdoruesit të shijojnë video të qarta në YouTube dhe platforma të tjera transmetimi.

Detajet e veçorisë së re u njoftuan në një postim në blog të mërkurën. Funksioni eksperimental i përmirësimit të videos, i mundësuar nga teknologjia AI quhet “Video Super Resolution” (VSR) dhe përmirëson videot me rezolucion të ulët ndërsa heq defektet bllokuese, duke përdorur mësimin e makinerive. /Telegrafi/