Messi shpallet lojtari më i mirë i vitit 2022 nga IFFHS, lë shumë mbrapa rivalët

Çmimet vazhdojnë të vijnë për kampionin e botës, Lionel Messi, pasi ai tani është emëruar lojtari më i mirë i botës për meshkuj për vitin 2022 nga Federata Ndërkombëtare e Historisë dhe Statistikave të Futbollit (IFFHS).

Pas trofeut të fituar në Kupën e Botës, kapiteni i Argjentinës ka vazhduar me trofe individual në fillim të vitit 2023.

Messi është shpallur më i miri i viti 2022 në renditjen e IFFHS me 275 pikë,  shumë më përpara se Kylian Mbappe i vendit të dytë me vetëm 35 pikë.

Pesëshen e parë plotësuan Karim Benzema (30 pikë), Luka Modric (15 pikë) dhe Erling Haaland (5 pikë).

Lionel Messi has been named the IFFHS 2022 Men's World Best Player. He won with 275 points, in second place was Kylian Mbappe with 35 points. pic.twitter.com/K6ipngFAvq

— Roy Nemer (@RoyNemer) January 4, 2023

Një vit i shkëlqyer

Është e drejtë të thuhet se viti 2022 do të jetë një vit i lidhur përgjithmonë me emrin e Messit falë lavdisë së tij në Kupën e Botës në Katar. Megjithatë, ai ishte në formë të shkëlqyer gjatë gjithë vitit për klubin dhe vendin.

Në 51 ndeshje zyrtare për Paris Saint-Germain dhe Argjentinë, Messi shënoi 35 gola dhe dha 30 asistime.

Kjo statistikë është një gol çdo 69 minuta dhe e ndihmoi PSG-në të ngrinte titullin e Ligue 1 dhe Albiceleste të fitonte Kupën e Botës.

Kupa e Botës ishte momenti kurorëzimi jo vetëm në vitin e Messit, por edhe në karrierën e tij. Ishte i vetmi trofe i madh që nuk e kishte fituar, pasi kishte fituar së fundmi Copa America në 2021.

Në Katar, ai shënoi shtatë gola në shtatë ndeshje, dhe shtoi tri asistime.

Kthimi në Paris

Messi mori një pritje heroike nga shokët e tij të PSG-së pas kthimit nga pushimi i merituar pas triumfit në Kupën e Botës.

Ai mund kthehet sërish në fushë për klubin parisian më 11 janar kundër Angers në Parc des Princes. /Telegrafi/