Meridian Ramçaj i kundërpërgjigjet Luizit: Jam prekur nga intervista e tij kur tha se nuk më njeh, nga 2011 deri 2016 rrinim thuajse përditë bashkë

Fituesi i edicionit të Big Brother VIP Albania, Luiz Ejlli po ngjall diskutime të shumta edhe pas daljes nga shtëpia e famshme.

Përkrahja e ndaj tij përvec nga publiku erdhi edhe nga disa persona që deklaruarn se janë miq të tij prej vitesh.

Por, pas përfundmit të BBVA, Luizi në disa raste u shpreh se shumë nga ata që e mbështetën në fakt e shfrytëzuan famën e tij.

Mes ermave që ai ceku ishte edhe ish-banori i BBVA 1, Meridian Ramçaj, për të cilin la të kuptohej se nuk e njihet mirë.

Kjo ka bërë që Meridian t’i kundërpërgjigjet në një intervistë të fundit në ‘News 24’, i cili i prekur tha se është zhgënjyer nga deklaratat e artisti nga Shkodra.

“Më ka prekur intervista e fundit e tij ku tha se nuk më njeh. Nga 2011-2016 ne rrinim thuajse përditë me Jonin, Luizin. Dhe rrinim gjithë kohës bashkë. Madje shoqëria jonë ka qenë e ngushtë përsa kohë unë isha pjesë e mbrëmjeve që bënin tek rezidenca qeveritare në Durrës, kemi qenë me pushime bashkë në Paris. Tregon sa njihemi. Ai mbase e ka harruar që unë kam ruajtur fotot.

Kam qenë pesë ditë te shtëpia e tij në Paris me të fejuarën time. Në Tiranë kemi dalë gjithë kohës. Nuk e kuptoj pse e bëri këtë gjë. Nuk ndodh që një diplomat të hap derën e të presë dikë që nuk e njeh në shtëpi. Kemi festuar edhe ditëlindjen e Luizit bashkë. Nuk kemi punuar asnjëherë bashkë. Thjesht kemi luajtur futboll, kemi qëndruar bashkë”, tha Meridiani.

Lexo po ashtu Luizi reagon në Instagram: Unë nuk i harroj ata që më qëndruan afër kur nuk e kisha askënd

“Rrobat e para në shtëpi ia kam futur unë. Parfumet e para ia kam futur unë. Nuk e di kush e ka fryrë kaq shumë, por do i mësojë disa të vërteta më vonë”, tha tutje ai.

Mes tjerash, Meridiani foli edhe për mikun tjetër të tyre Jonin, për të cilin Luizi tha se nuk fliste prej dy vitesh.

“Edhe për Jonin tha kemi dy vite pa folur. U shokuam të dy. Kjo nuk është e vërtetë. Është takuar me Jonin 3 ditë para se të hynte në Big Brother. E ka lënë në emër të Jonit kontratën që ka firmosur me Top Channel”, deklaroi ai.

Ramçaj tha se gjatë kohë sa Luizi ishte brenda BBVA, ai kishte kontaktuar me nënën e kënëgtarit madje ishte ai që e bindi t’i dërgonte një letër atij.

“Nënën e Luizit nuk e njoh, kam folur në telefon gjatë. Kam këmbëngulur derisa e binda të shkruante një letër për Luizin sepse nuk pranonte”, tha ndër tjera ai.

Ndërkohë, përmes postimi në Instagram, Luizi së fundmi falënderoi fansat e tij për mbështetjen duke thënë se ai ‘nuk i harron asnjëherë njerëzit që i qëndruan afër’. /Telegrafi/