Tre persona janë arrestuar nga Policia e Kosovës në Pejë, pasi dyshohet se kaën vjedhur në shtëpinë enjë mërgimtari, një televizor dhe katër zmadhues zëri.
Policia e Kosovës ka njoftuar se arrestimi është bërë në rrugën “Bekim Berisha-Abeja”, ku gjatë kontrollimit të një veture me targa vendore, janë gjetur pajisjet të cilat janë konfiskuar.
“Policia e Kosovës, Stacioni Policor Pejё, me datёn 7.10.2020 rreth orёs 00:20, nё rrugën ‘Bekim Berisha-ABEJA’ nё Pejё, ka ndaluar veturën Golf me targa vendore. Policia ka bёrё verifikimin e personave dhe gjatё kontrollit në bagazhin e veturës ёshtё gjetur njё (1) televizor dhe katёr (4) zmadhues tё zёrit, tё cilët janё konfiskuar deri në verifikimin e tyre”, thuhet në komunikatë.
Policia më pas ka shoqëruar tё dyshuarit në Stacionin Policor në Pejë dhe pas intevistimit, tё njëjtit, me urdhёr të prokurorit tё shtetit lirohen në procedurë të rregullt.
“Njësiti i Hetimeve pranë Stacionit Policor në Pejё, si vazhdimësi e hetimeve intensive operativo-hetimore ka arritur ta identifikojё shtёpinё e viktimёs nё fshatin Vitomiricё, shtёpi nё tё cilёn nuk jeton askush, pasi qё pronari jeton në botën e jashtme, ku dyshohet se janё vjedhur sendet e lartcekura. Viktimёs sё rastit sendet e konfiskuara nga tё dyshuarit i janё kthyer prapё nё posedim.
“Pas identifikimit tё vendit tё ngjarjes me datёn 13.10.2020, janё arrestuar dhe janë intervistuar tё dyshuarit: A.Sh. lindur me 1994 m/k, L.S. lindur me 2000 m/k, E.A. lindur me 1992 m/k”, thuhet në komunikatë.
Me urdhёr tё prokurorit tё shtetit, i dyshuari i parë dhe i tretë, pas intervistimit ndalohet pёr 48- orё, ndёrsa i dyshuari i dytё ёshtё liruar në procedurё të rregullt. /Telegrafi/
