Meghan Markle iu bashkua Princit Harry dhe familjes mbretërore teksa ecnin pas arkivolit të Mbretëreshës Elizabeth II në funeralin e monarkut të hënën.
Duka dhe Dukesha e Sussexit ecën pas Princit George, 9 vjeç, dhe Princeshës Charlotte, 7 vjeç, ndërsa arkivoli u fut në Westminster Abbey.
Përpara të rinjve ecnin prindërit e tyre, Princi William dhe Kate Middleton, të quajtur së fundmi Princi dhe Princesha e Uellsit.
Foto: Reuters
Na është thënë se Princi 4-vjeçar Louis – i cili njihet për tërheqjen e vëmendjes me veprimet e tij - u largua nga ngjarja historike për shkak të moshës së tij të re.
Ribashkimi i Markle, 41-vjeçare, dhe Harry, 38-vjeçar, me William dhe Middleton, të dy 40 vjeç, ka bërë tituj që kur mbretëresha vdiq më 8 shtator.
William dhe Harry gjithashtu qëndruan në vigjilje - së bashku me kushërinjtë e tyre - pranë arkivolit të gjyshes së tyre të ndjerë të shtunën në mbrëmje.
Foto: Getty Images
Harry veshi uniformën e tij ushtarake pasi mori leje speciale nga babai i tij, mbreti Charles III.
Kjo pasi e kishte të ndaluar për shkak te largimit nga jeta mbretërore në vitin 2020. /Telegrafi/
Foto: Getty Images
