Mbyllet takimi mes drejtuesve te Juventusit dhe përfaqësuesve të Dybalas, marrëveshja e re afër

Takimi i sotëm midis Juventusit dhe agjentit të Paulo Dybalas shkoi mirë dhe palët do të diskutojnë përsëri, pasi marrëveshja për zgjatjen e kontratës së lojtarit po shkon mirë dhe mund të mbyllet të shtunën.

Sipas burimeve të shumta, Jorge Antun dhe menaxheri i biznesit Carlos Novel u takuan me shefat e Bianconerëve për herë të dytë këtë pasdite, pas bisedës fillestare të djeshme.

Ky takim zgjati pak më shumë se një orë, por vërtetoi se Dybala do të nënshkruajë një marrëveshje të re, pasi bisedimet po ecin mirë.

Kontrata e tij aktuale do të skadojë në fund të sezonit dhe Juventusi nuk mund të përballojë që ai të largohet si lojtar i lirë.

Me sa duket ka pasur përparim në kushtet e kontratës, me një propozim prej 8 milionë euro për pagat e sezonit në krahasim me kërkesën prej 10 milionë euro.

27-vjeçari argjentinas erdhi në Juve në vitin 2015 me një kosto prej 40 milionë euro nga Palermo.

Juventus-Dybala, incontro con l'agente per discutere del rinnovo: le news di calciomercato#SkyCalciomercato #Juventus #Dybala https://t.co/TP7SbPJEIV

— skysport (@SkySport) August 11, 2021

Ai ka shënuar 100 gola në 254 ndeshje në fanellën e Bianconerëve. /Telegrafi/