Samsung ka njoftuar një mbushës të ri pa tel që do të jetë gjithashtu një vend dezinfektimi.
Samsung lëshon një mbushës 10W i cili gjithashtu dezinfekton telefonin tuaj të mençur gjatë procesit të mbushjes, transmeton Telegrafi.
E gjithë kjo ndodh me dritën UV-C, e cila mund të vrasë 99 për qind të baktereve dhe mikrobeve.
Mbushësi do të jetë i disponueshëm globalisht. Mund të gjendet në faqen e internetit në Gjermani për 58,38 euro. Përveç telefonave të mençur, mund të vendosni edhe kufje Bluetooth ose sende të tjera që të dezinfektohen në pajisje.
Në përgjithësi, drita UV u testua si një zgjidhje efektive kundër një numri të madh të viruseve.
Sipas një artikulli të botuar në gazetën prozesstechnik.industrie.de, SARS i shkaktuar nga coronavirusi (SARS-CoV) eliminohet nga ekspozimi ndaj dritës UV në intervalin 254 nm. Sidoqoftë, ende nuk është hulumtuar sa duhet nëse funksionon kundër të gjitha viruseve dhe mutacioneve të coronës. /Telegrafi/
