Mbreti Charles III dhe Bashkëshortja Mbretëreshë Camilla kanë zbarkuar në Londër.
Sipas BBC, përcjell Telegrafi, ata kishin qëndruar gjatë natës në Kalanë Balmoral, ku mbretëresha vdiq të enjten.
Siç bëhet e ditur, 73-vjeçari do të takohet me kryeministren britanike Liz Truss përpara fjalimit të tij të parë drejtuar kombit në orën 18:00, koha lokale.
Aeroplani që transportoi atë u shikua nga mbi 150,000 njerëz në faqen e internetit të gjurmimit të fluturimeve FlightRadar24 derisa zbarkoi.
Mbreti Charles është në rrugën e tij për në Buckingham Palace për herë të parë që kur u bë Mbret.
Monarku zbarkoi në RAF Northolt të premten pasdite dhe më pas hipi në një makinë të zezë.
Mbreti tani është duke u dërguar për në Londër ndërsa bën rrugën e tij për në pallat. /Telegrafi/
