Mbretëresha e ardhshme bashkë-piloton një aeroplan luftarak, në një vizitë në forcat ajrore norvegjeze

Një tjetër yll mbretëror është ngritur këtë javë, me Princeshën Ingrid Alexandra të Norvegjisë që është parë duke pilotuar një aeroplan gjatë një turneu në një bazë të forcave ajrore mbretërore.

Sipas mediave të huaja, përcjell Telegrafi, 17-vjeçarja, e cila është e bija e Princit të Kurorës Haakon të Norvegjisë dhe Princeshës së Kurorës Mette-Marit, dhe e dyta në radhën e fronit, mori një udhëtim me një avion luftarak F-16 gjatë vizitës në Baza e Bodø të shtunën.

Ajo ka vizituar disa baza të ushtrisë dhe forcave ajrore në Norvegji për të mësuar më shumë rreth forcave të armatosura të vendit. Kur ajo të ngjitet në fron, ajo do të bëhet komandant i ushtrive të Norvegjisë.

E ulur në ulësen e pasme të aeroplanit, princesha adoleshente vëzhgoi se si një pilot i trajnuar e largoi atë nga baza dhe më vonë u lejua ta kontrollonte për një kohë të shkurtër gjatë një fluturimi mbi Norvegjinë Veriore.

Demonstrimi fluturues pa Ingrid Alexandra të ndiqte hapat e babait të saj, i cili bashkë-pilotoi një F-16 Falcon në vitin 1991.

E veshur me një uniformë të plotë, princesha u përshëndet në bazë nga gjenerali Rolf Folland, i cili drejton Forcën Ajrore Mbretërore Norvegjeze, e cila quhet Luftforsvaret.

Gjatë vizitës së saj, ajo u informua për deklaratën e misionit të forcave të armatosura të Norvegjisë dhe mësoi më shumë rreth QRA – Quick Response Alert – ku avionët F-16 mund të jenë gati për të fluturuar në vetëm 15 minuta për të përgjuar avionë të huaj në misionet e NATO-s.

Princesha kaloi një ekzaminim mjekësor ‘të plotë’ përpara se të hipte në aeroplan. /Telegrafi/