Mbrëmja e çmimeve “Oscars”: Kush e mban rekordin për më së shumti nominime në histori?

Sonte (e diel) mbahet mbrëmja e madhe e ndarjes së çmimeve, “Oscars 2022”.

Megjithëse tashmë e dimë listën e të nominuarve, me këtë pyesim disa fakte si kush e mban rekordin për më së shumti nominime për “Oscar” në histori.

Epo, ka dy mënyra për t’iu përgjigjur kësaj pyetjeje, pasi është një gjë të zotërosh rekordin për shumicën e nominimeve për “Oscar” për një person të gjallë dhe një tjetër për një person të gjallë ose të vdekur.

Lexo po ashtu Sondazh | Kush e fiton sivjet çmimin "Oscar" si 'Filmi më i mirë i vitit'?

Nëse flasim për rekordin për shumicën e nominimeve për “Oscar” për një person të gjallë, ai i përket kompozitorit legjendar John Williams, i cili është nominuar ndër vite kryesisht për çmimin “Kolona zanore më e mirë”.

Composer-conductor John Williams, the most nominated living person in Oscars history, is 90 today.

Here, he recounts one of his favorite scenes of all time. https://t.co/UnKYS1VC6U pic.twitter.com/BqdCRO4z0A

— ABC News (@ABC) February 8, 2022

Williams arriti disa vite më parë të thyente rekordin që tashmë i përkiste duke shtuar nominimin e tij të 52-të në historinë e “Oscars”, falë punës së tij në “Star Wars: The Rise of Skywalker”.

Lexo po ashtu A do ta fitojë këtë natë çmimin e parë "Oscars" në jetën e tij Will Smith?

Nominimi i parë i Williams erdhi në vitin 1967 për ” Valley of the Dolls” dhe fitorja e trofeut të parë erdhi në vitin 1971 për “Fiddler On the Roof”. Në total, muzikanti ka fituar pesë çmime “Oscar” – përveç kësaj ai është fitues i 25 çmimeve “Grammy”.

John Williams is a legendary composer who has scored films such as Star Wars, Jaws and Jurassic Park. He's received 51 Oscar nominations, which is the most of any living person.

Kobe Bryant says he adjusted his leadership style after learning how Williams conducts his orchestra: pic.twitter.com/aYb5vRMoNk

— Alex Kennedy (@AlexKennedyNBA) July 10, 2019

Ndër filmat për të cilët Williams ka bashkëpunuar dhe që i kanë sjellë atij nominime për çmimet “Oscar” janë: “Jaws”, “Schindler’s List”, “Superman”, “Star Wars”, “Indiana Jones”, “Harry Potter” dhe “ET: The Extra-Terrestrial”.

Është interesante se si në vitin 2021 ashtu edhe në vitin 2022, Williams nuk u nominua për asnjë çmim “Oscar”.

Megjithatë, Williams nuk mban rekordin për shumicën e nominimeve për “Oscar” në histori për një person të gjallë ose të vdekur, pasi pronari i këtij rekordi është një tjetër figurë historike e kinemasë dhe animacionit, Walt Disney, i cili vdiq në vitin 1966 dhe në total pati 59 nominime për “Oscar” gjithsej gjatë karrierës së tij. /Telegrafi/