Mbikëqyrësi britanik i konkurrencës gjobit me rreth 60 milionë euro Facebookun

Facebookut i është thënë se nuk është “mbi ligjin” pasi u godit nga një gjobë prej rreth 60 milionë eurosh nga mbikëqyrësi i konkurrencës në Mbretërinë e Bashkuar.

Autoriteti i Konkurrencës dhe Tregjeve (CMA) goditi sot rrjetin social me gjobë, e cila ishte 150 herë më e madhe se gjoba e mëparshme më e madhe për një vepër të ngjashme.

Dënimi ishte në lidhje me blerjen e faqes GIF për 400 milionë dollarë në maj të vitit 2020. CMA vendosi një urdhër zbatimi fillestar (IEO) në atë kohë, i cili kërkon që firmat të kufizojnë integrimin ndërsa mbikëqyrësi shqyrton marrëveshjen për shqetësimet e mundshme të konkurrencës.

Facebookut i kërkohej të siguronte CMA-s përditësime të rregullta, por mbikëqyrësi tha se grupi i mediave sociale “kufizoi ndjeshëm fushëveprimin e atyre përditësimeve, pavarësisht paralajmërimeve të përsëritura nga CMA”.

Lexo po ashtu Mark Zuckerberg mbahet përgjegjës për skandalin e Cambridge Analytica, sipas prokurorisë amerikane

Në gusht, CMA zbuloi përkohësisht se blerja e Giphy nga Facebook shkaktoi shqetësime të konkurrencës në tregun e reklamave dixhitale në Mbretërinë e Bashkuar. Kjo i hap rrugën rregullatorit që të urdhërojë anulimin e marrëveshjes. Facebook ka afat deri në fund të muajit për t’iu përgjigjur akuzave dhe një raport përfundimtar pritet deri në dhjetor.

Nxehtësia nga CMA është vetëm një nga dhimbjet e rregullta të kokës me të cilat përballet Facebook në të gjithë botën. Kompania po përballet me një kontroll intensiv në SHBA pasi një sinjalizues publikoi dokumente të brendshme në Facebook për mirëqenien e adoleshentëve në Instagram, një platformë Facebook. /Telegrafi/