Mbi gjysmë shekulli në Amerikë, familja Rexhepi kthehet në Çegran të Gostivarit për t’i shkolluar fëmijët në vendlindje
Stërgjyshi i shkuar para gjysmë shekulli në Amerikë, babai i lindur atje, por Amena, Alori dhe Nida kthehen në Çegran për të vazhduar shkollimin. Bashkë me ata është kthyer edhe më i vogli Aroni vetëm dy vjeç, i cili poashtu do ta ndjek shkollën në vendlindjen e të parëve. Është java e parë që kanë një shkollë të re, ndërsa dorë për dore me gjyshin Sinan Zylbehari duken shumë të lumtur derisa afrohen drejt godinës së shkollës “Përparimi” në Çegran. Rrugës ata përshëndetën nga dhjetëra fëmijë të tjerë, gjë e cila dëshmon se janë adaptuar mjaftë mirë për kohë të shkurtër. Alorin 8 vjeç dhe Nidën 5 vjeçe, deri te klasa i përcollëm ne. Gjatë bisedës derisa afrohemi te klasat e tyre, kupton se largimin nga Amerika thuajse nuk e kanë ndjerë, kjo pasi mësimdhënësit dhe shoqëria e re i kanë mirëpritur mjaftë mirë.
“Këtu më duket mirë, këtu më duket më mirë se në Amerikë. Kam shokë e shoqe dhe mësuesit më duken të mirë. Baba na solli, jo babi, por gjyshi. Ai na tha do shkojmë në Maqedoni dhe këtu do ndjekim shkollën”, tha Alori 8 vjeç.
“Quhem Nida dhe kam 5 vjet. Këtu është mirë dhe kam plotë shokë dhe shoqe”, tha Nida.
Motrën e tyre më të madhe, Amenën 11 vjeçare nuk e takuam pasi ishte në ndërrim tjetër, ndërkohë që gjyshi nga nëna, këngëtari Sinan Zylbehari mes shumë emocionesh ndjehet krenarë që vajza dhe dhëndri i tij kanë marrë vendimin për ti kthyer fëmijët në vendlindje. Rrëfen se ky gjest është amanet nga Haxhi Sulejman Rexhepi, i pari nga kjo familje që ka migruar në Amerikë.
“Jam mik me familjen Rexhepi dhe ndjejë kënaqësi të jashtëzakonshme nga që këto janë raste të rralla por diçka e çmuar. Flas në emër të familjes Rexhepi dhe kjo është një amanet i lënë nga tashmë i ndjeri Haxhi Sulejman Rexhepi, i cili i pari ka mërguar në SHBA së bashku me familjen e tij. Alorit i bie haxhi Sulejmanin ta ketë stërgjysh, i cili ua lenë amanet djemve Samiut, Zediut dhe Afetit që fëmijët ti shkollojnë në vendlindje, dhe amaneti tash trashëgohet nga nipërit e haxhi Sulejmanit, pra këta janë stërnipërit e tij. Është një kënaqësi e veçantë dhe një gjest i madh patriotik nga ai njeri nga që të kthehesh në vendlindje është një vlerë shumë e madhe, një gjest që nuk ka çmim”, deklaron Sinan Zylbehari.
Zylbehari uron dhe bën thirrje që shembullin e familjes Rexhepi ta ndjekin edhe familje tjera të cilat kanë migruar, përcjell “TVGlobi”.
“Pasi tash shohim që shkolla mbyllen, shpresojmë që gjestin e kësaj familje do ta ndjekin edhe familje tjera gjë e cila bën të ndjehemi me shpresë që në të ardhmen do të kthehen edhe shumë të tjerë në vendlindje”, deklaron Sinan Zylbehari.
Sipas Zylbeharit, fëmijët janë ndjerë mirë që nga dita e parë kur janë rikthyer në Çegran.
“Këta fëmijë atje kanë kryer, Amena pesë klasë, këtu është e gjashta, Alori tre klasë atje kurse këtu është e katërta dhe Nida është klasa e parë. Këta fëmijë të ndjehen mirë, pasi të mëdhenjtë dinë ta përballojnë, por derisa ata ndjehen mirë dhe kanë bërë shokë e shoqe nga klasa e parë, atëherë është kënaqësi”, deklaron Sinan Zylbehari.
Arben Iseini, drejtor i shkollës fillore “Përparimi” të fshatit Çegran, rikthimin e familjes Rexhepi e cilëson sakrificë dhe gjest pozitiv në këtë kohë kur shumica dëshirojnë ta braktisin vendlindjen.
“Vërtet ndjehemi të lumtur kur paraqiten raste të tilla. I urojë mirëseardhej familjes mbi një vendim sakrifikues mbi këtë gjest që ata janë duke bërë. Sigurisht që është sakrificë të largohesh prej Amerike dhe të kthehesh në Çegran, dhe kjo ka vetëm një arsye për të ruajtur vlerat, kulturën dhe traditat shqiptare që kemi si popull. Ne si shkollë e përshëndesim këtë gjest dhe urojmë që kjo të përsëritet me familje treja që do marrin vendim për tu kthyer, pasi kemi një gjendje kur nuk është mirë kur sheh se njerëz na largohen nga vendlindja, por normalisht që ata kanë arsyet e veta që largohen. Mund të them vetëm një fjalë se ardhmëria e fëmijëve është në vendlindje dhe ne si shqiptarë nëse duma të ruajm e kultivojmë traditat tona, duhet të sakrifikojmë dhe të jetojmë këtu”, deklaron Arben Iseini, drejtor i shkollës “Përparmi” – Çegran.
Si rasti i familjes Rexhepi ka edhe katër familje tjera thotë drejtori Iseini, të cilët janë kthyer nga Zvicra dhe Gjermania, me çka edhe fëmijët e tyre vijojnë ta ndjekin mësimin në Çegran.
Promo
Reklamo këtuLufta Prigozhin - Putin
Më shumëNga Rubrika
Ibrahimi: BDI në opozitë le ta mbledh mendjen, OBRM-PDUKM e njeh VLEN-in si përfaqësues të votës shqiptare
Kosova u bë anëtare e Asamblesë Parlamentare të NATO-s, reagon Petkoviq
Siljanovska: E respektoj Marrëveshjen e Prespës, deklaratën e kam nënshkruar me emrin aktual kushtetues
Dugolli: Vetëm një votë kundër Kosovës në NATO - sukses i madh për vendin
“Mbetjet e Banjskës”- Çfarë dihet për armatimin e fundit të konfiskuar në veri?
Specialja për dëshmitarin e 67-të: U ndalua e keqtrajtua nga UÇK-ja, e kanë akuzuar si mbështetës të LDK-së e tradhtar
Analistë e politikanë në Beograd tregojnë se pse Vuçiq u mundua të heshtë për Banjskën në Këshillin e Sigurimit
Afrim Gashi jep dorëheqje nga funksioni i kryetarit të Alternativës
Hoxhaj: Votimi i shteteve në OKB për Srebrenicën alarm për Kosovën
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Tifozët janë të shokuar pasi mësuan çmimin që Aston Villa po e kërkon për Coutinhon
Teuta Krasniqi flet për ankthin dhe depresionin që përjetoi pas ndarjes nga Blero
Pas ndarjes nga Xhensila, Bes Kallaku në një lidhje të re dashurie me ish-konkurrenten e “Përputhen”?
Southampton triumfoi në ndeshjen që vlen më shumë para se finalja e Ligës së Kampionëve - shuma që fitoi është e jashtëzakonshme
Kaluan natën së bashku - Ilnisa Agolli ndan një moment nga shtrati me Meritonin
Shpjegohet pse Chelsea nuk do të "pranojë automatikisht" vendin në Ligën e Konferencës