Mbetjet e raketës kineze pritet të hyjnë në atmosferë gjatë së shtunës vonë, ose mëngjesin e së dielës

Mbetjet e raketës së Kinës pritet të hyjnë përsëri në atmosferë të shtunën vonë ose herët të dielën, thanë të shtunën qendrat gjurmuese evropiane dhe amerikane.

Sipas medieve të huaja, përcjell Telegrafi, ministria e jashtme e Kinës tha të premten se pjesa më e madhe e mbeturinave nga raketa do të digjet gjatë hyrjes dhe nuk ka shumë gjasa të shkaktojë ndonjë dëm.

Mbikëqyrja dhe Gjurmimi Hapësinor i BE-së, tha se probabiliteti statistikor i një ndikimi në tokë në zonat e populluara është i “ulët”, por vuri në dukje se natyra e pakontrolluar e objektit bëri çdo parashikim të pasigurt.

Kina lëshoi ​​një raketë të quajtur Long March 5B më 29 prill që dërgon në orbitën e Tokës modulin e parë të stacionit të saj të ri hapësinor, Tianhe.

Një segment i madh i raketës kineze është në një rënie të pakontrolluar drejt Tokës dhe parashikimi i fundit i pistës sugjeron që mbeturinat mund të rrëzohen në një zonë potencialisht të populluar.

Kina lëshoi ​​një raketë të quajtur Long March-5B në 29 prill që dërgoi modulin e parë të stacionit të ri hapësinor në orbitën e Tokës. Ndërsa raketat me shumë pjesë zakonisht digjen para se të futen në orbitën e Tokës, te kjo raketë nuk po ndodh e njëjta. /Telegrafi/