Mbappe do të heshtë për të ardhmen deri në një datë të caktuar dhe Real Madridi e di cila është

Kylian Mbappe shtoi në kabinetin e tij të trofeve edhe një tjetër të shtunën mbrëma, teksa ndihmoi Paris Saint-Germain të siguronte titullin e Ligue 1.

Francezin e pret një verë vendimtare, por ai nuk do të bëjë një njoftim zyrtar për të ardhmen e tij deri në ndeshjen e fundit të sezonit me PSG-në, e cila është kundër Metz më 21 maj.

Ndërkohë, Mbappe do të fokusohet në futbollin me skuadrën e tij dhe do t’i japë respekt të plotë klubit parisien.

Lexo po ashtu Di Marzio: Arrihet marrëveshje verbale mes Real Madridit dhe Mbappes me një kontratë ‘stratosferike’

Siç ka raportuar MARCA, Real Madridi është në një qetësi të plotë për situatën, me një marrëveshje tashmë të vendosur me 23-vjeçarin.

Prioriteti i Los Blancos për momentin është gjysmëfinalja e Ligës së Kampionëve me Manchester Cityn, pasi ka përfunduar në mënyrë efektive titullin e La Ligas.

Drejtuesit e Real Madridit po eksplorojnë gjithashtu opsionet e tyre të transferimit përpara afatit kalimtar të verës, me Antonio Rudiger, Erling Haaland dhe Aurelien Tchouameni që janë ndër objektivat e tyre kryesore të transferimit.

Lexo po ashtu Dalin detajet e kontratës së Rudigerit te Real Madridi – pasurohet edhe më shumë gjermani

Megjithatë, një marrëveshje për mesfushorin e Monacos duket e vështirë, duke qenë se dy klube të Ligës Premier kanë gjithashtu një interesim të madh për të.

Situata me Haaland

Çdo ditë vjen diçka e re në lidhje me të ardhmen e Haaland, por ai ende nuk e ka marrë vendimin e tij përfundimtar.

Lexo po ashtu Arrihet marrëveshja në parim: Haaland te City si lojtari më i paguar në histori të Ligës Premier

Sulmuesi i Borussia Dortmundit e di që do të largohet, por ende nuk ka vendosur se ku do të luajë futbollin e tij sezonin e ardhshëm.

Presion mbi Mbappe

Sjellja e Mbappes gjatë gjithë sagës së transferimeve ka qenë shembullore, duke i dhënë respekt maksimal si Real Madridit ashtu edhe PSG–së.

Ai ka mundur t’i rezistojë me sukses presionit që i bëhet nga drejtuesit e PSG-së, të cilët janë të dëshpëruar që ai të nënshkruajë një kontratë të re dhe vendimi është në duart e tij. /Telegrafi/