Mbappe dhe Neymar nuk janë të vetmit në shitje – PSG do të tentojë të largojë edhe 12 lojtarë të tjerë

Paris Saint-Germain vazhdon të jetë në qendër të vëmendjes sa i përket transferimeve në afatet kalimtare.

Ashtu si sezonin e kaluar, një projekt i ri do të nisë nga e para me Luis Enriquen si trajner.

Klubi francez ka sjellë tre lojtarë deri më tani: Marco Asensio dhe Milan Skriniar (të dy me kosto zero) dhe Manuel Ugarte (60 milionë euro).

Kampioni aktual i Ligue 1 ka më shumë se 30 lojtarë në skuadër për momentin dhe duhet të lirojë disa nga ta. Dy lojtarët kryesor në lisën e shitjes janë Neymar dhe, natyrisht, Kylian Mbappe.

Por Luis Campos – drejtor sportiv i PSG-së – po punon edhe për largimin e 12 lojtarëve të tjerë.

Lexo po ashtu Agjenti francez emëron tri klubet që mund të nënshkruajnë me Kylian Mbappen

Keylor Navas, Abdou Diallo, Gini Wijnaldum, Colin Dagba, Julian Draxler dhe Layvin Kurzawa – të gjithë të huazuar në klube të tjera vitin e kaluar – nuk janë në plane e Luis Enriques.

Hugo Ekitite dhe Juan Bernat, gjithashtu do të jenë në treg. Mauro Icardi, Timothy Pembele, Leandro Paredes dhe Chadaille Bitshiabu do të kompletonin listën e transferimeve. /Telegrafi/