Mascherano beson se Xavi do të ketë sukses te Barcelona

Ish-lojtari argjentinas, Javier Mascherano ka mbështetur Xavi Hernandezin dhe beson se do të ketë sukses si trajneri i Barcelonës.

Argjentinasi luajti me Xavin te Barcelona nga viti 2010, kur ai u bashkua nga Liverpooli deri më 2015, kur Xavi u largua për në Katar.

Ata fituan shumë së bashku; tre tituj të La Ligës, dy tituj të Copa del Rey, dy tituj të Superkupës së Spanjës, dy tituj të Ligës së Kampionëve, një Kupë të Botës për Klube dhe një Superkupë Evropiane.

Lexo po ashtu Për vetëm 134 ditë, Xavi e transformoi Barcelonën – dëshmia ishte el Clasico

Të dy tani kanë kaluar në fazën e tyre të ardhshme të jetës pasi i kanë dhënë fund karrierës së tyre të shquar si lojtar dhe janë bërë trajner.

Mascherano aktualisht është në krye të kombëtares U20 të Argjentinës, ndërsa Xavi po e udhëheq Barcelonën në një epokë të re.

“Më pëlqen ideja e Xavit. Në fund është ideja mëmë e Barcelonës”, ka thënë fillimisht Mascherano për Marca.

“Nuk e di nëse ata do të jenë në gjendje të luftojnë për ligën, por jam i sigurt se Xavi do të sjellë shumë kënaqësi te Barcelona”, përfundoi argjentinasi.

Barcelona aktualisht është e treta në La Liga, por mund të kapërcejë Sevillan dhe të dalë e dyta nëse mposht skuadrën andaluziane në Camp Nou të dielën në mbrëmje. /Telegrafi/