Marseille shkon në finale të Ligës së Evropës, eliminon Salzburgun e Valon Berishës

Marseille është finalist i sivjetmë i Ligës së Evropës.

Skuadra ku luan Valon Berisha, Salzburg nuk ka arritur të eliminojë Marseillen, e cila arriti të realizoi një gol në kohën shtesë dy herë nga 15 minuta pasi që ndeshja në kohën e rregullt përfundoi me rezultat 2-0, ku me të njëjtin rezultat kishin triumfuar edhe francezët në takimin e parë të gjysmëfinales.

Rolando arriti të realizoj gol në shtesat dy herë nga 15 minuta, i cili vulosi edhe rezultatin përfundimtar 2-1.

Në fakt, gjatë gjithë ndeshjes vendasit dominuan dhe arritën të realizonin golat e fitores vetëm në pjesën e dytë.

63′ #WirSindTeam WIR SCHAFFEN DAS! Nur weiter so. #FCSOLM #UEL // WE CAN DO THIS! pic.twitter.com/01vAEbLC4A

— FC Red Bull Salzburg (@RedBullSalzburg) May 3, 2018

Munas Dabbur në të 13 minutë pati rast të mirë, por që dështoi para portës së mysafirëve.

Edhe mesfushori i përfaqësueses sonë, Berisha kishte një mundësi të mirë në të 37 minutë, ku për pak sa nuk realizoi gol nga gjuajtja e lirë.

Por, atë që nuk arritën në 45 minutshin e parë, futbollistët e Salzburgut arritën ta bënin në të dytin.

Fillimisht, Amadou Haidara arriti të tund portën e kundërshtarëve në të 53 minutë pas një solo depërtimi.

Mbrojtësi i shumëkërkuar, Sarr realizoi autogol në të 65 minutë kur devijoi topin e goditur prej sulmuesit Schlager.

46′ ANKICK der 2. Hälfte // KICK-OFF 2nd Half #FCSOLM #UEL pic.twitter.com/cnTlsHVFPN

— FC Red Bull Salzburg (@RedBullSalzburg) May 3, 2018

Deri në fund të ndeshjes më nuk pati gola dhe kështu, takimi përfundoi me rezultat 2-0 për austriakët dhe kështu ndeshja shkoi në vazhdime dy herë nga 15 minuta.

Duje Caleta-Car në të 100 minutë nuk arriti të mposht nga afërsia portierin mysafirë, kur mori një pasim të saktë pas një rivënie këndore të Berishës.

Por, Rolando arriti të realizoi golin e fitores tre minuta para përfundimit të shtesës së dytë të vazhdimeve dhe vulosi rezultatin përfundimtar 2-1.

Marseille në finale do të takohet me Atletico Madridin, e cila eliminoi në gjysmëfinale skuadrën e Arsenalit.

Ndryshe, finalja mes këtyre dyja skuadrat do të zhvillohet më 15 maj (e martë) në stadiumin francez të Lyonit. /Telegrafi/

https://youtu.be/80p5bB-fwt8?t=5

https://youtu.be/5rqFMQGGccg

https://www.youtube.com/watch?v=77-YhrD3ng0