Marrëdhënia diplomatike Kosovë – Izrael, eurodeputeti austriak: Sinjal i qartë për shtetet që ende nuk e kanë njohur Kosovën

Eurodeputeti austriak, Lukas Mandl, ka përshëndetur zyrtarizimin e vendosjes së marrëdhënieve diplomatike ndërmjet Izraelit dhe Kosovës.

Mandl ka thënë se vendosja e këtyre marrëdhënieve diplomatike do të thotë shumë për të.

“Meqenëse ndjej miqësi midis Austrisë, Izraelit dhe Kosovës, ky hap do të thotë shumë për mua. Gjithashtu është një sinjal i qartë për ato shtete anëtare të BE-së të cilat ende nuk e kanë njohur Kosovën”, ka shkruar ai në Twitter.

Ndryshe, Kosova dhe Izraeli formalizuan sot marrëdhëniet diplomatike, vendim i cili nga të dyja shtetet u cilësua si “historik”.

Në një ceremoni virtuale të mbajtur të hënën, ministrja në detyrë e Punëve të Jashtme dhe Diasporës së Kosovës Meliza Haradinaj-Stublla dhe ministri i Punëve të Jashtme të Izraelit, Gabriel Ashkenazi nënshkruan dokumentin ku thuhet se të dyja shtetet vendosin marrëdhënie diplomatike, me qëllim që të rrisin bashkëpunimin në shumë sfera. /Telegrafi/

The State of #Israel will recognize the Republic of #Kosovo, which is the youngest state of Europe. Since I feel friendship between Austria, Israel & Kosovo this step means a lot to me. It is also a clear signal for those EU Member States which have not yet recognized Kosovo. https://t.co/hdzLkGAVsl

— Lukas Mandl (@lukasmandl) February 1, 2021