Marotta për Perisic: Është e vështirë të mbash lojtarët që nuk dëshirojnë të qëndrojnë

Drejtori i Interit, Giuseppe Marotta, është kthyer edhe një herë për të folur për të ardhmen e Ivan Perisic te zikaltrit.

Kroati nuk ishte pjesë e skuadrës për udhëtimin në Torino pasi lojtari ka kërkuar largimin nga klubi.

Për 29-vjeçarin ka shfaqur interesim Arsenali, ndërsa lojtari ka shprehur vullnet për t’u transferuar te Topçinjët dhe kjo duket se nuk i ka pëlqyer klubit nga Milano.

“Perisic? E përsëris, është e vështirë të mbash lojtarët që nuk dëshirojnë të qëndrojnë, por ende nuk ka ardhur ndonjë ofertë reale”.

“Varet nga mënyra jonë se si e menaxhojmë situatën. Po shpresoja për një treg të qetë të transferimeve. Në vend të kësaj, ka pasur pak zhvillime dhe shumë pakënaqësi”, ka thënë Marotta.

Lexo po ashtu Emery për Perisic: Jemi duke shikuar mundësinë e transferimit të dy futbollistëve të ndryshëm

Perisic nuk ka kaluar në një formë të mirë këtë sezon, ai ka shënuar vetëm tre gola dhe ka dhuruar dy asistime në 16 ndeshje.

Nuk duhet të harrojmë Interi dhe lojtari refuzuan një kalim te Manchester Unitedi në verën e 2018. /Telegrafi/

https://www.youtube.com/watch?v=z7rH8fLVbcY