Mark Zuckerberg po ndërton një kompleks në Hawaii “si strehë për ditën e apokalipsit” – zbulohen disa detaje

Mark Zuckerberg mund të jetë një tjetër njeri që “po përgatitet për ditën e apokalipsit”.

Kjo pasi që CEO i Meta thuhet se po ndërton një kompleks masiv në Kauai, Hawaii, që do të përfshijë karakteristika si një bunker nëntokësor, shkruajnë mediat e huaja, përcjell Telegrafi.

Kompleksi pritet të ketë një “kapak shpëtimi”, dhe do të jetë i furnizuar me energji, ushqim dhe ujë, sipas një artikull Wired të enjten, duke cituar burime dhe dokumente planifikuese të marra përmes kërkesave për regjistrime publike.

Ndërtimi në kompleksin e Zuckerberg, i quajtur ”Koolau Ranch”, vlerësohet të kushtojë rreth 100 milionë dollarë; së bashku me 170 milionë dollarët e shpenzuara për tokën për pronën, çmimi total është rreth 270 milionë dollarë, megjithëse kjo shifër ka të ngjarë të jetë më e madhe.

Kompleksi do të ketë të paktën 30 dhoma gjumi dhe 30 banja dhe thuhet se ka plane për dy “pallate” të lidhura me një tunel të lidhur me bunkerin nëntokësor, ku do të ketë një “kapak shpëtimi”.

Ndryshe, Zuckerberg nuk është titani i parë i teknologjisë që ndërton “një strehë gati për fundin e botës”.

CEO i OpenAI, Sam Altman, thuhet se “ka rezervuar” një sasi të madhe gjërash si armë, ari, antibiotikë dhe maska gazi.

Veç tij, edhe shefi ekzekutiv i Reddit, Steve Huffman, bleu motoçikleta, armë dhe municione për t’u përgatitur nëse do të ishte e nevojshme dhe madje bëri një operacion laser në sy sepse ai mendon se do t’i ndihmonte shanset e tij për të mbijetuar në një fatkeqësi.

Edhe bashkëthemeluesi i LinkedIn, Reid Hoffman, i tha një herë New Yorker se ai vlerëson se më shumë se gjysma e miliarderëve të Silicon Valley kanë investuar në një lloj “sigurimi apokalipsi”, si një bunker nëntokësor. /Telegrafi/