Mariglen Demiri nga “E majta” ftohet në bisedë informative

Sot në ora 12, anëtari i presidiumit të “E majta”, Mariglen Demiri, është ftuar në bisedë informative në Prokurorinë themelore publike Shkupi, për shkak të pjesëmarrjes së tij në protestat kundër regjimit të cilët filluan me vendimin e presidentit për falje, transmeton Telegrafi Maqedoni.

Për këtë arsye, sot në ora 13, para Prokurorisë themelore publike Shkupi, “E majta” do të mbajë konferencë për shtyp.

Kjo është hera e katërt që një anëtar i tyre arrestohet ose ftohet në bisedë informative për shkak të pjesëmarrjes në protesta.

– Përkujtojmë që edhe pas shoqërimeve dhe arrestimeve të mëparshme, revolta e sektorit qytetar vetëm është rritur. Qytetarët(et) e kanë krejtësisht të qartë se arrestimet e këtilla janë përpjekja e fundit e dëshpëruar e regjimit për ta thyer lëvizjen protestuese dhe ta shpëtojë veten. Qytetarët(et) njohin drejtësi selektive dhe prandaj sot do të dalin në protestë në numër akoma më të madh, që ta rikthejnë lirinë dhe drejtësinë – thonë nga “E majta”./Telegrafi/