Mariçiq: Pajtimi dhe përballja me të kaluarën jep shpresë për një të ardhme më të mirë dhe evropiane

Pajtimi dhe përballja me të kaluarën jep shpresë për një të ardhme më të mirë dhe evropiane për rajonin.

Edhe pas 28 vitesh nga gjenocidi në Srebrenicë, mesazhi është i qartë: Paqja si vlerë ia vlen të ruhet, pasi është bazë për stabilitet dhe një të ardhme të begatë, ka shkruar zëvendëskryeministri për Çështje Evropiane Bojan Mariçiq me rastin e përkujtimit të gjenocidi që ndodhi 28 vjet më parë në Srebrenicë.

“Sot tregojmë respekt dhe dinjitet për viktimat e Srebrenicës, me shpresën se kemi nxjerrë mësimet e së kaluarës që kërkojnë mbrojtjen e vlerave themelore civilizuese. Do të na ndihmojë në shkatërrimin e rrënjëve të urrejtjes që çojnë në akte si krime lufte dhe gjenocid, të cilat do të jenë pika të zeza në historinë tonë dhe në botën demokratike”, shkroi Mariçiq.

Ai shton se është përgjegjësia jonë dhe detyra jonë që të punojmë për pajtimin e vërtetë dhe synimin dhe ambicien tonë të përbashkët, për të ndërtuar shoqëri të bazuara në vlerat evropiane, besimin, mirëkuptimin dhe respektin reciprok.

“Të mos përsëritet kurrë dhe të mos harrohet kurrë”, shtoi Mariçiq./Telegrafi/