Maqedoni, sot shënohet 15 Tetori – Dita e Shkopit të Bardhë

Lidhja nacionale e të verbërve në e Maqedoni sot shënon 15 Tetorin – Ditën Ndërkombëtare të “Shkopit të Bardhë”.

Misioni më 15 tetor – Ditën ndërkombëtare të Shkopit të Bardhë – Simbolit të njeriut të verbër, i njohur nga Organizata e Kombeve të Bashkuara (OKB) është t’i tregojë botës se edhe me verbëri mundet, të tregojë se si të verbrit dhe persona me të pamurit e dobët në botë jetojnë, punojnë dhe të pavarur të kontribuojnë për bashkësinë e tyre.

Dita ndërkombëtare e Shkopit të bardhë shfrytëzohet në atë që të rritet kujdesi ndaj personave të verbër, njëherësh të tregohet kujdes më i gjerë edhe për problemet me të cilët çdo ditë përballen të verbrit dhe personat me të pamurit e dobët, të zgjojnë autoritetet në çdo nivel të shoqërisë dhe të marrin pjesë dhe të mundësojnë fonde për parandalim dhe edukim për verbërinë, t’i kushtojnë kujdes publikut, qytetarëve se kur për herë të fundit kanë bërë kontroll oftalmologjijk të kompletuar.

Në Republikën e Maqedonisë sipas regjistrit të Lidhjes Nacionale të Maqedonisë me dëmtim të të pamurit më shumë se 90 për qind jetojnë mbi 2.550 persona. Barriera dhe muri i krijuar rreth tyre ngadalë po rrënohet, por të njëjtët janë të prirur të presin.

Lidhja Nacionale e të Verbërve të Maqedoni është formuar në vitin 1946, ndërsa më shumë se 67 vjet vepron si organizatë nacionale invalidore, jopartiake, jopërfituese me rëndësi të madhe për shoqërinë./Telegrafi/