Maqedoni, s’ka vendim për Komisionin hetues për skandalin në Onkologji
Kuvendi i RMV-së nuk ka vendosur akoma për formimin e Komisionit hetues për skandalin në Onkologji, i cili Komision ishte propozim i OBRM-PDUKM-së. Partia opozitare propozon që me anë të këtij komisioni të vërtetohet përgjegjësia politike dhe mënyra se si është lejuar keqpërdorimi me vite. Ata propozojnë që shumicën në komision ta kenë LSDM-ja, BDI-ja dhe Aleanca kurse komisionin ta drejtojë deputet i OBRM-PDUKM-së.
“Vërtetimi i përgjegjësisë politike i një pjese të funksionarëve të shëndetësisë dhe të pushtetit do të ketë edhe vlerë shtesë për shkak se në këtë moment ka një polarizim të fuqishëm dhe për fat të keq, njollosje paushalle e një pjese të madhe të mjekëve dhe personelit mjekësor i cili në pjesën më të madhe punon me përgjegjësi, me ndërgjegje dhe kujdes për secilit pacient sipas detyrimit dhe mundësisë”, deklaroi Antonio Milloshoski, OBRM-PDUKM.
Nga LSDM-ja kërkojnë që rasti të mos politizohet.
“Shihet qartë vullneti i deputetëve të shumicës që dyshimet për atë që ka ndodhur në Klinikën e Onkologjisë të hetohen deri në fund, të locohet faji dhe fajtorët, të nxirren para drejtësisë dhe të ketë përgjegjësi. Por është e papranueshme ajo që përpiqen të bëjnë disa nga opozita, ta politizojnë këtë ngjarje, të marrin pikë politike mbi ndjenjat e njerëzve që kanë pasur raste të dhimbshme”, tha Darko Kaevski, LSDM.
Sipas opozitës, ministri i Shëndetësisë duhet të ishte i pari që do të kishte dhënë dorëheqje menjëherë pas publikimit të skandalit.
“Ministrat duhet të mësohen se kur gjatë mandatit t’u ndodhë diçka si kjo, ose diçka po aq e tmerrshme sa rasti në Tetovë, duhet të ikin po në atë moment që të tregojnë se janë përgjegjës objektiv, jo subjektiv. Ministri nuk është përgjegjës për Onkologjinë megjithatë të gjithë institucionet shëndetësore janë në kompetencë të tij. Kur marrim një post, duhet ta shohim se çfarë trashëgojmë saktë”. Theksoi Gordana Siljanovska, OBRM-PDUKM.
“Ju keni të drejtë por jeni vonë, jeni shumë vonë sepse nuk ka ndodhur rasti tani. Rasti ka ndodhur, ju thoni në vitin 2016, por a mund të siguroni se s’ka ndodhur dhe më herët. D.m.th. është dashur shumë më herët ministrat, kur janë paraqitur shenjat e para të kësaj çështje çnjerëzore, të kishin dhënë dorëheqje”, u shpreh Ilire Dauti, Aleanca për Shqiptarët.
Propozimi për formimin e komisionit hetues në Kuvend për rastin në Onkologji vjen rreth dy javë pasi mori jehonë publikimi i skandalit me keqpërdorimin e terapive nga një rrjet i mirëorganizuar i të punësuarve të cilët më vonë terapinë e kancerit të caktuar për pacientët e Klinikës e kanë shitur në tregun e zi. Keqpërdorimi ka ndodhur në rreth 10 vjetët e fundit./Alsat/
Promo
Reklamo këtuLufta Prigozhin - Putin
Më shumëMiratohet Kodi i Sjelljes për deputetët, ata që ofendojnë dhe bëjnë shkelje tjera do të dënohen me 50 përqind të pagës së tyre
Keni planifikuar të kaloni 1 Majin në natyrë? Kështu do të jetë moti në qytetet e Kosovës
Pësoi infrakt në aeroplan derisa ishte duke ardhur nga Zvicra, policia njofton për vdekjen e gruas
Flet e dhunuara gjatë lųftës në Kosovë: Nuk kam familje dhe askush nga të afërmit nuk di për rastin tim
Dyshohet se kreu marrëdhënie seksuale me familjaren e tij në Klinë, arrestohet një person
Qëndrim Januzi dënohet me 17 vjet burgim për vrasjen e 30-vjeçarit në Ferizaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri