Maqedoni, rishikimi i buxhetit para deputetëve, pushteti dhe opozita me kundërshtime ndaj njëra-tjretrës
Filloi debati për rishikimin e buxhetit. Për opozitën ky rishikim është popullist dhe po bëhet për shkak se jemi para vitit të zgjedhjeve, ndërsa pushteti thotë se paratë do të shkojnë te qytetarët.
Ministrja e Financave Ana Angellovska, tha se trendet në ekonomi janë të mira. Sipas saj rritja për sivjet është reviduar në 3,2%, ndërsa vitin e ardhshëm pritet të intensifikohet dhe të arrijë 4,2%.
“Me rishikim siguruam 400 milion denarë për mbështetje të rritjes së pagave. Do të subvencionohen kontributet nga sigurimi të obligueshëm social për ndërmarrjet që do të rrisin pagat e të punësuarave të tyre deri në 6000 denarë, përkatësisht deri në 100 euro. Janë siguruar edhe 200 milion denarë për mbështetje të politikave aktive dhe masave për punësim, ku në fokus të veçantë janë të rinjtë. Kjo masë nga njëra anë e ndalon ekonominë ilegale dhe dhënien e pagave në zarfe, ndërsa nga ana tjetër mundëson qarkullim më të madh të mjeteve në fondin pensional”, deklaroi ministrja e Financave, Nina Angellovska.
Ministrja Angellovska theksoi se borxhi i shtetit që nga 30 qershori i vitit 2019 arrin 4374.6 milionë euro ose 38.4 për qind të BPV-së, ndërsa borxhi publik arriti 5300.2 milionë euro ose 46.6 për qind të BPV-së, duke e bërë Republikën e Maqedonisë Veriore vend me borxh të mesatar.
Deputeti i BDI-së, Rexhail Ismaili, gjatë debatit foli për punimet për objektin e universitetit “Nënë Tereza” në Shkup. Ai tha se ato po zvarriten për shkak të procedurave të ndryshme në kuadër të ministrisë së Arsimit dhe Mbrojtjes.
“Projektet të cilat që parashikohen në buxhet si rezultat i moskoordinimit të suksesshëm mes ministrive nuk mund të realizohen. Kemi rastin konkret, në tre vitet e fundit ndajmë mjete për ndërtesën e universitetit “Nënë Tereza” të cilit i është ndarë lokacioni, por për shkak të procedurave të ndryshme në kuadër të ministrisë së Arsimit dhe Mbrojtjes. Pra, insistoj që ministritë të gjejnë mundësi që këto çështje t’i zgjidhin sa më shpejtë sepse flasim për shuma marramendëse që as në këtë buxhet nuk po arrijnë të realizohen si rezultat i procedurave të zgjatura mes ministrive, rreth bartjes së pronësisë së objektit”, tha Rexhail Ismaili, deputet i BDI-së.
OBRM-PDUKM nga ana tjetër doli me kritika, duke thënë se rishikimi është provë për paaftësinë e pushtetit.
“Kjo është provë se pushteti nuk ka kapacitet që të udhëheq investimet dhe të investoj mjete në projekte kapitale siç janë çerdhet, spitalet, konviktet studentore, hekurudha, ujësjellësi dhe projekte të tjera, por paratë i ndan për masa populiste që kanë për qëllim të manipulojnë me trupin votues para zgjedhjeve”, theksoi Nikolla Micevski, deputet i OBRM-PDUKM-së.
Nga LSDM vlerësojnë se rishikimi do të stimulojë rritjen e pagave, do të sigurojë mundësi për hapjen e vendeve të reja të punës dhe me paga më të mëdha, gjë që do të ndikojë në rritjen ekonomike. Nga janari i vitit të ardhshëm hyn në fuqi rritja e re prej pesë për qind e pagave në administratën publike, shëndetësi, arsim, kopshte, polici, kulturë, mbrojtje dhe veprimtari tjera në administratën publike.
Debati në Komision, sipas Rregullores kuvendare zgjat 10 ditë, pas së cilës Propozimi shkon në seancë plenare. Në propozim janë dorëzuar 391 amendamente.
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Gjatë një operacioni policor në Prishtinë e Gjilan, gjenden dy bunkerë dhe armë zjarri
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Departamenti amerikan i Shtetit demanton dyshimet e ngritura ndaj Escobarit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre