Mancini publikon listën finale të Italisë për Kampionatin Evropian, nuk mungojnë befasitë

Roberto Mancini emëroi skuadrën e Italisë për Euro 2020, ku përfshihet sulmuesi i ri i Sassuolos, Giacomo Raspadori, ndërsa Gianluca Mancini, Matteo Pessina dhe Matteo Politano janë lënë jashtë.

Azzurrët janë në Grupin A me Zvicrën, Turqinë dhe Uellsin, dhe hapin turneun në Stadio Olimpico kundër Turqisë në 11 qershor.

Kishte disa dyshime pasi Mancini duhej të zvogëlonte skuadrën e përkohshme prej 28 personash në 26 dhe atë tashmë e ka bërë.

Afati i fundit ishte në mbrëmjen e së martës dhe besohej se në thelb kishte dy pikëpyetje.

Lexo po ashtu Mancini: Dua ta fitoj Evropianin me Italinë, nuk largohem së paku deri në Botëror

Forma e Stefano Sensit ishte një shqetësim, me mesfushorin e Interit që luftonte me atë të Romës, Bryan Cristante, për një vend në ekip, ndërsa tjetri ishte në mbrojtje, ku Gianluca Mancini i Romës ishte kundër Rafael Toloi të Atalanta.

Sidoqoftë, trajneri i befasoi të gjithë duke larguar nga lista preliminare Mancinin, Pessinan dhe Politanon dhe duke sjellë në skuadër sulmuesin e Sassuolos, Raspadori.

Portierë:  21 Gianluigi Donnarumma (Milan), 26 Alex Meret (Napoli), 1 Salvatore Sirigu (Torino)

Mbrojtësit: 15 Francesco Acerbi (Lazio), 23 Alessandro Bastoni (Inter), 19 Leonardo Bonucci (Juventus), 3 Giorgio Chiellini (Juventus), 2 Giovanni Di Lorenzo (Napoli), 13 Emerson Palmieri (Chelsea), 24 Alessandro Florenzi (PSG), 4 Leonardo Spinazzola (Roma), 25 Rafael Toloi (Atalanta)

Mesfushorë: 18 Nicolo Barella (Inter), 16 Bryan Cristante (Roma), 8 Jorginho (Chelsea), 5 Manuel Locatelli (Sassuolo), 7 Lorenzo Pellegrini (Roma), 12 Stefano Sensi (Inter), 6 Marco Verratti (PSG)

Sulmuesit: 9 Andrea Belotti (Torino), 11 Domenico Berardi (Sassuolo), 20 Federico Bernardeschi (Juventus), 14 Federico Chiesa (Juventus), 17 Ciro Immobile (Lazio), 10 Lorenzo Insigne (Napoli), 22 Giacomo Raspadori (Sassuolo)

/Telegrafi/