Manchester City ulë në mënyrë drastike çmimin e Joao Cancelos

Manchester City është i gatshëm të ulë çmimin e kërkuar për Joao Cancelo këtë verë në 40 milionë euro mes interesimit nga Barcelona.

Portugezi aktualisht është në huazim te Bayern Munich dhe ka bërë 20 paraqitje për klubin gjerman që nga ardhja në janar.

29-vjeçari ishte më parë një lojtar kyç për Cityn, por kishte një përplasje me Pep Guardiolan – gjë që edhe bëri të largohej.

Lexo po ashtu Kujt i duhet më shumë Cancelo: Real Madridit apo Barcelonës?

Edhe pse i kanë mbetur edhe katër vite në kontratën e tij, duket e pamundur që Cancelo të ketë një të ardhme afatgjatë në Etihad Stadium.

Bayern ka një opsion për të nënshkruar përgjithmonë Cancelo për 70 milionë euro, por ata nuk ka gjasa ta ushtrojnë atë, gjë që mund të hapë derën për Barcelonën, siç raportohet nga BILD.

Lexo po ashtu Manchester City prezanton rregullin e ri për transferimeve, pas gabimeve në afatin kalimtar të vitit të kaluar

Barcelona po kërkon të sjellë një mbrojtës të ri të djathtë pasi Jules Kounde mund të largohet nga klubi.

Ai ka bërë 154 paraqitje për Cityn dhe ka fituar dy herë Ligën Premier, ndërsa ka të drejtë edhe për një medalje këtë sezon. Përveç kësaj, Cancelo fitoi Kupën Carabao në tre raste. /Telegrafi/