Man Utd mëson çmimin që duhet të paguajë për shërbimet e Edson Alvarez

Manchester United raportohet se ka mësuar se sa para duhet të paguajnë për të nënshkruar me Edson Alvarez nga West Hami, pasi kërkuan informacion për shërbimet e meksikanit.

Alvarez nuk është një lojtar i panjohur për Erik Ten Hag, pasi ai kishte shkëlqyer nën urdhrat e teknikut holandez gjatë kohës sa punuan së bashku tek Ajaxi.

Dyshja fituan së bashku disa tituj dhe Ten Hag është i etur që ta sjellë atë në “Old Trafford” sezonin e ardhshëm sipas Sky Germany.

Përkundër rëndësisë që ka Alvarez në ekip, West Hami nuk është tërësisht ndaj idesë për ta shitur atë. Çmimi i kartonit të tij sillet mes 60-80 milionë eurosh, duke reflektuar vlerën e tij në treg dhe kualitetin që ai mund t’i sjellë çdo ekipi.

Me Casemiron që është në perëndim të karrierës, Unitedi po kërkon një zëvendësues adekuat dhe njohja e Ten Hag me Alvarez është një shtresë besimi për transferimin e tij.

Fakti që Alvarez mund të luajë në role të ndryshme në mesfushë, qoftë si mesfushor me detyra defanzive apo edhe në një pozicion më ta avancuar, e bën atë një aset të çmueshëm për Ten Hag.

Raporti shton se Unitedi e ka vlerësuar situatën e Alvarezit dhe planet e tyre për të ardhmen. Sidoqoftë, asnjë ofertë formale nuk është bërë deri më tani dhe negociatat janë në fazën preliminare.

“Djajtë e Kuq” janë gjithashtu të interesuar për Joao Neves të Benficës, por klauzola e tij prej 104 milionë eurosh e bën atë një opsion gati të pamundur./Telegrafi/