Man United nuk po ndalet me transferime – planifikohet blerja e yllit të Chelseat

Manchester United po planifikon transferimin befasues të mbrojtësit të Chelseat, Ben Chilwell, teksa po synojnë t’i shtojnë konkurrencën anglezit Luke Shaw.

Sipas Daily Mail, ‘Djajtë e Kuq’ kanë shprehur interesim serioz për Chilwell pasi duan ta përforcojnë fazën e mbrojtjes.

Pasi finalizuan marrëveshjen për transferimin e Joshua Zirkzee, klubi tani do të mbajë takimin e radhës ku do të diskutohen marrëveshjet e tjera gjatë afatit kalimtar veror.

Klubi ka qenë në bisedime për të nënshkruar me Matthijs De Ligt nga Bayern Munichu, ndërsa do të konsiderojnë një ofertë të dytë për mbrojtësin e Evertonit, Jarrad Branthwaite.

Lexo po ashtu Një legjendë po rikthehet te Man Utd, por tani në rolin e ndihmës trajnerit

Ata gjithashtu po kërkojnë që t’i shtojnë konkurrencën anglezit Luke Shaw në pozitën e mbrojtësit të majtë andaj Chilwell po konsiderohet si opsion real.

The Telegraph kishte raportuar javën e kaluar se Chilwell mund ta shohë veten si tepricë për nevojat e Enzo Marescas këtë verë, pasi trajneri i ri i Chelseat po kërkon lojtar që mund të luajnë në pozita të ndryshme.

‘Djajtë e Kuq’ do të rikthehen në stërvitje të hënën, para se të udhëtojnë në Shtetet e Bashkuara të Amerikës aty ku do të luajnë disa ndeshje miqësore ndaj Liverpoolit, Arsenalit dhe Real Betisit./Telegrafi/