Manchester City ka fituar në udhëtim me rezultat të thellë 6-0 ndaj Watfordit në ndeshjen e vlefshme për javën e pestë të Ligës Premier, ku Sergio Aguero shënoi het-trik.
Skuadra e Pep Guardiolas ka vazhduar dominimin e tyre edhe në javën e pestë të kampionatit anglez, duke mposhtur Wafordin në shtëpinë e tyre.
Serinë e golave për Qytetarët e hapi Sergio Aguero, i cili shënoi në minutën e 28 për 1-0, ndërsa vetëm tre minuta më vonë argjentinasi shënoi për 2-0 pas asistimit të David Silvas.
Goli i tretë për Cityn u shënuan nga Gabriel Jesus që ngriti epërsinë në 3-0 në minutën e 37 pas asistimit të Agueros dhe dërgoi skuadrat në pushim mes dy pjesëve.
Në pjesën e dytë, City shënoi edhe dy gola, ku i pari erdhi në minutën e 63 nga Nicolas Otamendi, ndërsa Aguero kompletoi het-trikun në minutën e 81 dhe goli i fundit erdhi nga Raheem Sterling në minutën e 88 nga penalltia duke vulosur rezultat përfundimtar 6-0.
Pas kësaj fitore, Qytetarët prijnë të vetëm në Ligën Premier me 13 pikë, dhe ndeshjen e radhës luajnë në shtëpi ndaj Crystal Palace, ndërsa Watford luan në udhëtim te Swansea. /Telegrafi/
https://www.dailymotion.com/video/x60zj9c
https://www.dailymotion.com/video/x60zjum
https://www.dailymotion.com/video/x60zkc9
https://www.dailymotion.com/video/x60zqca
https://www.dailymotion.com/video/x60zuas
https://www.dailymotion.com/video/x60zudt
