Mallkimi në familjen e Rihannas – tre kushërinjtë e saj vdiqën e u vranë në moshë të re

Kushërira e dashur e Rihannas, Tanella Alleyne, vdiq papritur në moshën 28-vjeçare.

Kjo ngjarje e tmerrshme vjen vetëm gjashtë vjet pasi vëllai i Tanellas, Tavon, u qëllua për vdekje disa orë pasi vëllezërit e motrat kaluan ditën e Krishtlindjes me të.

Edhe motra binjake e Tanella, Taneisha, vdiq më shumë se një dekadë më parë në moshën 14-vjeçare, shkruan The Sun.

Dashamirja e modës Tanella, e cila kishte pothuajse 55,000 ndjekës në Instagram, shpesh u fotografua duke shkrepur fotografi me kushërirën e saj, Rihanna.

Vdekja e saj erdhi vetëm disa ditë pasi këngëtarja e hitit ”Diamonds” solli në jetë djalin e saj – të dytin me të dashurin A$AP Rocky.

Miqtë, të dashurit dhe fansat kanë përdorur rrjetet sociale për të shprehur ngushëllime për Tanellan – të cilën ata e quanin me dashuri TT ose Nella.

Njëri shkroi: “Do t’ju mungojë shumë”.

“Ti ishe e bukur dhe e sjellshme dhe jepje përqafimet më të mira, por mbi të gjitha do të më mungojë buzëqeshja jote. RIP Tanella”, shkroi një komentues i dytë.

Tanella vdiq më 13 gusht dhe të hënën të dashurit e saj u mblodhën në kishën e famullisë “St George” në Barbados për funeralin e saj.

Ndërkohë, ish-shkolla e Tanellas, The Graydon Sealy Secondary School e nderoi atë dhe një ish-nxënëse tjetër në një postim në Facebook.

Aty thuhej: “Menaxhmenti dhe stafi i Shkollës së Mesme Graydon Sealy janë të pikëlluar të njoftojnë ndarjen nga jeta të ish-nxënësve Tanella Alleyne & Kamal Goodridge. I shprehim ngushëllimet e sinqerta familjes, miqve dhe kolegëve të tyre. Shpirti i tyre u prehtë në paqe”.

Kjo vdekje vjen më pak se gjashtë vjet pasi vëllai i saj Tavon, gjithashtu kushëriri i Rihannas, u qëllua për vdekje.

Tavon ishte duke ecur nëpër zonën Eden Lodge të St Michael’s, Barbados, kur një person i armatosur e qëlloi disa herë pak para orës 19:00 në Boxing Day të vitit 2017.

Ai u dërgua me urgjencë në spital por u shpall i vdekur pak kohë më vonë.

Vrasësi u largua nga vendi i ngjarjes dhe nuk është gjetur apo identifikuar kurrë.

Duke folur pas vdekjes së tij, Tanella tha se vëllai i saj “nuk e meritonte të vdiste”.

Ajo tha: “Vëllai im nuk ishte shenjtor, por kjo nuk do të thotë se ai meritonte të vritej”.

Tanella tha se ajo sapo e kishte parë atë pesë orë më parë kur ata po festonin Krishtlindjet e tyre të parë si familje.

Ajo tha: “Ne humbëm nënën tonë në moshën shtatë vjeçare dhe babai ynë nuk po luante kurrë rolin e tij si duhet”.

“Pastaj të gjithë u ndanë, nuk kemi jetuar kurrë bashkë deri vonë. Këto ishte Krishtlindjet tona të para së bashku, hera e parë që kemi jetuar së bashku”.

Të nesërmen ajo ishte duke pushuar me të dashurin e saj kur dëgjoi të shtëna armësh.

Në përvjetorin e katërt të vdekjes së tij, nëntë herë fituesja e çmimit “Grammy”, Rihanna nderoi kushëririn e saj të ndjerë në Instagram.

Këngëtarja e hitit “Umbrella”, 35 vjeçe, publikoi një seri fotografish të të dyve, duke shkruar në mbishkrimin e tyre: “Më mungon dhe buzëqesh sepse #Tavon”.

Në kohën e vdekjes së tij, Rihanna ndau një postim për nder të tij dhe bëri thirrje për t’i dhënë fund dhunës me armë.

Ajo shkroi: “Kushëri u prehsh në paqe… nuk mund ta besoj se ishte vetëm mbrëmë që të mbajta në krahë! Kurrë nuk e mendoja se do të ishte hera e fundit që do të ndjeja ngrohtësinë në trupin tënd”.

Rihanna u fotografua duke u shpërthyer në lot në funeralin e Tavon, teksa mbronte hidhërimin e saj pas një palë syzesh të bardha.

Nëna e përlotur vendosi një kurorë në formë zemre në varr pas një shërbimi në Kishën e Famullisë së Shën Gjergjit në Barbados – vetëm pak larg nga vendi ku u vra Tavon. /Telegrafi/