Makijazhi i viteve ’20, përsëri në modë

Filmi "Gatsby i mrekullueshëm" i Baz Luhrmann-it, riktheu në modë makijazhin e viteve '20.

Veshjet tërheqëse dhe kërcimet e çmendura të asaj epoke janë sinonim i glamour-it dhe festës. Një tendencë që ka pushtuar botën e modës, gjë që e dëshmojnë edhe sfilatat e kohëve të fundit të krijuesve të mëdhenj të modës.

Buzë të mishta
Buzëkuqi i kuq është një tendencë e paevitueshme e epokës. Mendoni për nuancat e luleshtrydhes, rozë, të kumbullës apo portokalli dhe zgjidhni ngjyra të gjalla të viteve ’20! Zbehini pak me një shami të vendosur mes dy buzëve!Një shikim i karbontë
Syri "i tymosur" ka përshkuar shekujt duke vazhduar të mbetet edhe sot e kësaj dite një domosdoshmëri e festave. Gratë e viteve ’20 lyenin me karbon përreth syve, për t’i dhënë intensitet shikimit të tyre. Sot gjërat janë thjeshtuar, pasi ky model mund të shihet kudo.

Mollëza të kuqe
Nëse sot në modë janë nuancat "nudo", në vitet ’20, gratë preferonin mollëzat e kuqe dhe të dala. Ato kishin për tendencë t’i pickonin faqet në vend të make-up-it, një teknikë kjo që përdoret ende sot.

Në fund, një rreth për flokët
Për t’i dhënë fund stilit tuaj, një rreth për flokët është shumë i bukur, nëse dëshironi t’i jepni frymë retro. Për këtë përdorni një lapës sysh apo vetullash. /Telegrafi/