Majk me koncert gjigant në Londër për 17 shkurt, të ardhurat shkojnë për shërimin e Egzon Kryeziut

Majk është një prej reperëve më të pëlqyer në vend.

Ai është shpesh aktiv me projekte të shumta muzikore, gjersa nuk mungon edhe nëpër koncerte.

Së fundmi, reperi ka bërë të ditur se koncerti i tij i radhës është më 17 shkurt, dhe për herë të parë do të performojë në Londër.

https://www.instagram.com/p/Btg0zSJAR0i/

E veçanta e këtij koncerti, është se të ardhurat e tij do të shkojnë në ndihmë për shërimin e Egzon Kryeziut.

https://www.instagram.com/p/Btl-qiwAYjc/

Ky i fundit është njëherësh mik i reperit, teksa për mbledhje ne fondeve për të ndihmuar në shërimin e tij, kanë bërë thirrje emra të shumtë nga estrada.

“Më 17 shkurt për Pavarësinë e Kosovës, për herë të parë në Londër … çdo biletë e shitur (2 funte) e këtij koncerti, shkon për shërimin e Egzonit dhe Valonit”, ka shkruar Majk në njoftimin e bërë në Instagram.

https://www.instagram.com/p/BtoBdZ0g-KK/

Egzoni dhe Valoni përndryshe ishin pre e një aksidenti me fatalitet dy muaj më parë, ku dy nga personat që ndodheshin në veturë me ta ndërruan jetë, teksa këta të dy mbetën me dëmtime serioze, trajtimet e të cilave kërkojnë të bëhen jashtë vendit.

Duket se iniciativa e nisur nga reperi është një thirrje e madhe për të gjithë fansat e tij, që të mos mungojnë në koncertin e Pavarësisë, dhe të ndihmojnë në mbledhjen e fondeve për shërimin e Egzonit dhe Valonit. /Telegrafi/