Asamblisti i Lëvizjes Vetëvendosje, Petrit Reçica, ka kritikuar Komunën e Prishtinës lidhur me menaxhimin e pishinës së Gërmisë.
Reçica nëpërmjet një postimi në Facebook, ka hedhur dyshimet se ky aset po tentohet t’u jepet në shfrytëzim dostave, transmeton Telegrafi.
“Bazeni i Gërmisë është i qytetarëve të Prishtinës. Veç te na ndodhë që një aset të ndërmarrjes me kqyr me bankrotu, që mandej me japë në shfrytëzim dosave. U mburrshin se qysh i ka pas afër 20k vizitor, e sivjet paskan vendosë me e jap komplet një operatori ekonomik në shfrytëzim edhe ato me kontratë për dy vjet, me çfarë preteksti ende nuk kanë treguar”, ka shkruar ai.
Tutje, ai thotë se ka pasur tendenca edhe për të fshehur këtë thirrje për tenderim.
“Çka është tjetra e keqe këtu që kjo thirrje është vendos vetëm në web të ndërmarrjes NPL Sport Marketing SH.A. edhe askund tjetër (d.m.th në web as në rrjete sociale jo që mos me pa askush) ku menjëherë lindin dyshimet pse është fshehur kaq shumë kjo thirrje për tenderim”, shton tutje ai.
Por, këto akuza të asamblistit të LVV-së, i kanë hedhur poshtë nga Komuna e Prishtinës.
Nga Komuna e Prishtinës, deklaruan për Telegrafin se Pishina e Gërmisë do të jepet në bashkëmenaxhim.
“Duke ditur vështirësitë financiare dhe operative të Ndërmarrjes “Sport Marketing” gjatë 15 viteve paraprake dhe të tanishme, Menaxhmenti i Ndërmarrjes me Bordin e Drejtorëve duke u bazuar në Biznes Planin e aprovuar vjetor dhe Rregulloret e Brendshme të ndërmarrjes në fuqi, kanë vendosur që Pishinën e Gërmisë ta japin në bashkëmenaxhim me një kosto më të lartë se të hyrat të cilat ndërrmarja normalisht i gjeneron brenda sezonës verore në të cilën operon”, ka njoftuar Komuna.
Komuna thotë tutje se “kjo do të ndikojë në kualitetin e shërbimit karshi qytetarëve dhe poashtu do të lehtësojë menaxhimin e Pishinës për nga ana financiare dhe operative, duke pas parasysh vështirësitë dhe mungesën e punëtorëve gjatë sezonit veror”.
Gjithashtu, në përgjigje thuhet se thirrja për ofertim ka qenë e publikuar në faqen zyrtare të ndërmarrjes dhe poashtu në gazetë zyrtare, ashtu siç e parasheh edhe rregullorja e ndërmarrjes duke u bazuar në Ligjin për Ndërmarrjet Publike.
“Me bashkëmenaxhim nënkuptojmë ndarjen e përgjegjësive dhe poashtu të të hyrave financiare, ku si rezultat do të kemi shërbime më të mira, higjienë të kontrolluar dhe personel të shtuar, duke mos ndryshuar çmimoret në fuqi”, thuhet mes tjerash në përgjigjen nga Komuna e Prishtinës./Telegrafi/
Lufta Prigozhin - Putin
Më shumëOperacioni kundër fajdeve, Policia e Kosovës publikon pamjet
Flet nëna e youtuberit shqiptar në kërkim për fyerje të Islamit
Bie në hapësirën e ashensorit, vdes 47-vjeçarja në Prizren
QMK: Gjithnjë e më shumë thirrje në numrin e emergjencave për prani të gjarpërinjve në vendbanime
Vdekja e ushtarit 25-vjeçar – Shtabi i Përgjithshëm: Ushtria nuk ka helikopter i cili i plotëson kushtet për transport special mjekësor
Goditet grupi kriminal që dyshohet për fajde në Prishtinë e Pejë, arrestohen tre persona
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Pse fitorja e Spanjës i vjen përshtati Shqipërisë, para ndeshjeve të fundit në fazën e grupeve?
Rodri mungon ndaj Shqipërisë, bëhet lojtari i parë që thyen rregullin e ri në Euro 2024
Operacioni kundër fajdeve, Policia e Kosovës publikon pamjet
Publikohet "njoftimi që do ta trondit botën e sportit" nga Endrick dhe fansat janë shumë të zhgënjyer
Pse Kylian Mbappe nuk do të lejohet të mbajë maskën e tij për Francën në Euro 2024
Çfarë ndodhi mes Cole Palmer dhe Gareth Southgate pas ndeshjes Angli- Danimarkë