Luftë titanësh: Kush çfarë tha në përplasjen Musk, Altman dhe Nadella pasi Trump njoftoi projektin 500 miliardë dollarësh për ‘Al’

Elon Musk ka përdorur rrjetin e tij social X për të thumbuar Sam Altman pasi presidenti amerikan, Donald Trump, njoftoi një kompani të përbashkët me OpenAl, Oracle dhe SoftBank.

Trump njoftoi Stargate, një projekt investimi në infrastrukturën e Inteligjencës Artificiale prej 500 miliardë dollarësh që do t’i bashkonte forcat e tre kompanive.

Altman tha se Stargate do të lejonte AGI, ose Inteligjencën e përgjithshme Artificiale, të ndërtohet në SHBA.

Por Musk mendoi ndryshe.

“Ata në fakt nuk kanë para”, shkroi ai në një postim X, si kundërpërgjigje ndaj një postimi të OpenAl që thoshte se kompania do të fillonte të shpërndante 100 miliardë dollarë menjëherë si pjesë e Stargate.

They don’t actually have the money

— Elon Musk (@elonmusk) January 22, 2025

Announcing The Stargate Project

The Stargate Project is a new company which intends to invest $500 billion over the next four years building new AI infrastructure for OpenAI in the United States. We will begin deploying $100 billion immediately. This infrastructure will secure…

— OpenAI (@OpenAI) January 21, 2025

“SoftBank ka shumë më pak se 10 miliardë të siguruara. Unë e di sigurt këtë”, shtoi Musk në një postim tjetër, pa dhënë prova për të mbështetur pretendimin e tij.

Kjo pasoi reagimin e CEO të OpenAl, Sam Altman, shkruajnë mediat e huaja, përcjell Telegrafi.

“Unë sinqerisht i respektoj arritjet tuaja dhe mendoj se ju jeni sipërmarrësi më frymëzues i kohës sonë”, shkroi Altman në përgjigje të postimit të Musk.

i genuinely respect your accomplishments and think you are the most inspiring entrepreneur of our time

— Sam Altman (@sama) January 22, 2025

Por, pak më shumë se një orë më vonë, Altman tha në një postim të veçantë se ai mendonte se Musk e kishte gabim për kapitalin financiar të Stargate.

Ai gjithashtu ftoi miliarderin të vizitojë faqen e parë të infrastrukturës së Stargate.

“Unë e kuptoj se ajo që është e mrekullueshme për vendin nuk është gjithmonë ajo që është më e mira për kompanitë tuaja, por në rolin tuaj të ri shpresoj se do ta vendosni Amerikën në vend të parë”, shkroi Altman.

Nuk vonoi shumë dhe CEO i Tesla ndau një postim nga Altman të dhjetorit 2021, në të cilin Altman falënderoi bashkëthemeluesin e LinkedIn, Reid Hoffman, duke thënë se ai ndihmoi në ndalimin e Trump nga rizgjedhja.

Very few people realize just how much @reidhoffman did and spent to stop Trump from getting re-elected–it seems reasonably likely to me that Trump would still be in office without his efforts. Thank you, Reid!

— Sam Altman (@sama) December 15, 2021

Bëhet e ditur se Altman ishte pjesë e inaugurimit të Trumpit më 20 janar dhe ka pasur një ton më pajtues për këtë administratë, duke deklaruar se ai ndryshoi mendim për presidentin pasi e pa më të kujdesshëm kohët e fundit.

“Unë nuk pajtohem me të për gjithçka, por mendoj se ai do të jetë i mrekullueshëm për vendin në shumë mënyra”, shkroi Altman në X.

watching @potus more carefully recently has really changed my perspective on him (i wish i had done more of my own thinking and definitely fell in the npc trap).

i’m not going to agree with him on everything, but i think he will be incredible for the country in many ways!

— Sam Altman (@sama) January 23, 2025

Ndryshe, njeriu më i pasur në botë i ka reaguar edhe një deklarate të CEO të Microsoft, Satya Nadella.

Nadella u pyet për vlerën e investimit në Stargate të mbështetur nga Donald Trump pas pretendimeve të Musk se nuk kishin para për projektin.

“Unë nuk jam në dijeni për detaje se çfarë po investojnë”, tha Nadella.

“Shiko, gjithçka që di është se jam mirë me 80 miliardë dollarët e mi”, shtoi ai.

Më 3 janar, Microsoft njoftoi se do të investonte rreth 80 miliardë dollarë në qendrat e të dhënave të aktivizuara me AI për të trajnuar modelet me AI – me mbi gjysmën e totalit të investimit në SHBA.

Pas deklaratës së Nadellas, Musk shkroi në X.

“Nga ana tjetër, Satya patjetër që i ka paratë”. /Telegrafi/

On the other hand, Satya definitely does have the money https://t.co/VGBObPG7fM

— Elon Musk (@elonmusk) January 23, 2025