Lucas Torreira u fotografua me lot në sy pas asaj që i ndodhi Granit Xhakës me fansat e Arsenalit

Mesfushori i Arsenalit, Lucas Torreira, ishte mërzitur shumë dhe kishte qarë prej asaj që i ndodhi Granit Xhakës nga tifozët e klubit në ndeshje me Crystal Palace të dielën.

Shqiptari pas gjysmë ore lojë u zëvendësua me Bukayo Sakan, kur rezultati ishte i barabartë.

Xhaka e hoqi shiritin e kapitenit dhe ia gjuajti Pierre-Emerick Aubameyangut, ndërsa ecte me qetësi dhe kjo bëri që tifozët të shpërthenin.

Xhaka being subbed off pic.twitter.com/VIQsnhFBoC

— Matt (@MGH) October 27, 2019

Torreira, që ishte duke e bërë nxehjen, u fotografua nga një fotograf, duke u parë i mërzitur, ku i shkoi edhe loti.

Ka qenë fotografi Stuart MacFarlane që i ka postuar mesfushorit.

Didn't want to post these pictures but felt I had to. This is Lucas Torreira's emotional reaction to the abuse Granit Xhaka received after his substitution, in tears and inconsolable. Absolute love and respect for his captain. pic.twitter.com/ijKOvwkYx2

— Stuart MacFarlane (@Stuart_PhotoAFC) October 28, 2019

Është njoftuar sot nga trajner Unai Emery që lojtari nuk do të luajë ndeshjen e Kupës ndaj Liverpool në Anfield të mërkurën. /Telegrafi/