0Shares

Partia maqedonase në pushtet LSDM reagoi ndaj fjalimit të kryetarit të OBRM-PDUKM-së, Hirstijan Mickoski.

“Hristijan Mickoski sonte e vërtetoi atë që tashmë qytetarët tashmë shumë mirë e dinë: se ai nuk është asgjë tjetër përveç një lojtar anti-maqedonas dhe anti-perëndimor në duart e Nikolla Gruevskit”, thonë nga LSDM-ja duke shtuar se Mickoski nuk lë mundësi që t’u thotë qytetarëve se është kundër BE-së dhe NATO-s dhe se me çdo kusht punon kundër interesave të qytetarëve dhe kundër interesave shtetërore, përcjell Telegrafi Maqedoni.

Sipas LSDM-së, është mirë për Maqedoninë fakti që bartësi i kriminalitetit dhe regjimit, Nikolla Gruevski bashkërisht me lojtarin e tij anti-perëndimor Hristijan Mickoski janë mposhtur nga qytetarët, nga shumica e deputetëve në Kuvend, madje edhe nga vetë partia.

Mickoski deputetëve që votuan ndryshimet kushtetuese: Tradhtuat Maqedoninë (Video) Mickoski deputetëve që votuan ndryshimet kushtetuese: Tradhtuat Maqedoninë (Video)

“Të fundosur në izolim dhe në errësirën e tyre që e promovojnë, Mickoski dhe Gruevski shfaqin nervozë të madhe me humbjen që ju ndodh”, kumtojnë nga LSDM-ja.

LSDM-ja thotë se vizitat e përfaqësuesve të botës demokratike të cilët nuk e takuan Mickoskin, në mesin e të cilëve edhe përfaqësuesi i ShBA-ve, është edhe një vërtetim se kryesia e OBRM-PDUKM-së mbetet në izolim të thellë.

“Maqedonia dhe qytetarët e saj në mënyrë të pandalshme ecin drejt të ardhmes dhe integrimit në BE dhe NATO, ndërsa kryesia e OBRM-PDUKM-së dhe Mickoski mbeten të bllokuar në izolim”, thuhet në reagimin e LSDM-së./Telegrafi/

Të Ngjajshme
Shfaq Komentet (0)