Lojtarët e Spanjës po kërkojnë ‘hakmarrje’ ndaj yllit anglez për sjelljen e tij arrogante që shkaktoi përleshje masive

Një kontigjent i lojtarëve të Spanjës nuk e kanë harruar sjelljen e njërit prej yjeve të Anglisë në një ndeshje të mëparshme ndaj tyre.

‘Tre Luanët’ do të luajnë finalen e dytë rresht të Kampionatit Evropian të dielën, aty ku do të përballen me Spanjën e Luis De La Fuentes.

Para kësaj finale, nuk do të ketë aspak dashuri mes një kontigjenti të lojtarëve të Spanjës dhe Cole Palmer të Anglisë.

Kohë më parë, kur mbahej finalja e Kampionatit Evropian të grupmoshave U21 në vitin 2023, Palmer kishte shënuar golin e parë të Anglisë nga goditja e dënimit dhe kishte festuar përballë bankës së Spanjës, duke bërë që të shpërthejë një përleshje masive mes dy ekipeve.

Mesfushori i Villarrealit, Alex Baena, ishte në mesin e lojtarëve të Spanjës për atë finale, dhe veçanërisht ai ishte indinjuar nga sjellja e Palmer.

Baena vrapoi në drejtim të Palmer në fushë, i shoqëruar nga e tërë banka rezervë e Spanjës që përfshinte figura të mëdha si trajneri i portierëve Miguel Angel Espana.

Lexo po ashtu LIVE: Finalja e madhe e Euro 2024, Spanja dhe Anglia duan trofeun

Gazeta spanjolle AS ka raportuar se lojtarët e Spanjës do të synojnë hakmarrjen ndaj Palmerit për sjelljen e tij arrogante në finalen e U21, diçka që i bëri lojtarët e Spanjës të çmenden.

Para ndeshjes finale, Palmer tha se Anglia mund ta ‘përfundojë punën’ dhe të ndryshojnë jetën e tyre përgjithmonë.

“Të gjithë janë të emocionuar. Në dhomën e zhveshjes, të gjithë po e shijojmë. Është një ndeshje e madhe që mund të ndryshojë jetët tona, jetën e familjeve tona dhe të bëjmë të gjithë krenar”, ka thënë Palmer./Telegrafi/