Lojtarët e Anglisë do të marrin tek tani bonuset mijëra euro për paraqitjen fantastike në Euro 2020

Heronjtë e Anglisë në Euro 2020 do të marrin një bonus fitimprurës, gjë që ishte premtuar më herët, por që ishte vonuar pasi Federata Angleze e Futbollit ka pas borxh ndaj Qeverisë (175 milionë funte), por fondet janë kthyer dhe tani pagesa mund të bëhet.

Skuadra e Gareth Southgate arriti në finale me disa paraqitje mbresëlënëse para se të pësonte humbje në finale në Wembley me penallti nga Italia.

Ishte hera e parë që nga triumfi i tyre historik në Kupën e Botës në vitin 1966 që Anglia kishte arritur në finalen e një turneu të madh, pasi suksesi më i madh ishte gjysmëfinalja në Kupën e Botës në 2018 dhe ajo në Euro 1996.

FA ka njohur kontributet e skuadrës së “Tre Luanëve”, duke iu premtuar një bonus prej 300 mijë funte (350 mijë euro) për secilin lojtar, shkruan The Sun.

Këto shpërblime ishin pezulluar sepse FA kishte marrë një hua prej 175 milionë funte nga Qeveria e cila duhej të paguhej së pari.

Si rezultat, lojtarët nuk kishin marrë ende pagesën e bonusit për arritjet e tyre gjatë verës.

Por tani borxhi është kthyer ndaj Qeverisë dhe lojtarët do të paguhen këto ditë.

26 lojtarët e Gareth Southgate do të marrin pagesën e tyre prej 300,000 funte për secilin, në një total prej 7.8 milionë funte.

Pjesa tjetër e fondeve do të ndahet midis, stafit stërvitor të Southgate dhe anëtarëve të ekipit./Telegrafi/