Loja “E vërteta dhe Dënimi”, Egli i kërkon Rizartës të bëjë 10 squats

Banorët e Big Brother VIP Albania vendosën të luajnë lojën e njohur “E vërteta dhe Dënimi”, duke sjellë momente argëtuese dhe sfiduese brenda shtëpisë.

Në një moment të lojës, kur shishja ndaloi në drejtim të Eglit dhe Rizartës, fati deshi që Egli të ishte ajo që do ta pyeste Rizartën. Por, në vend të një pyetjeje, Rizarta zgjodhi dënimin.

Egli nuk hezitoi dhe i kërkoi Rizartës të kryente 10 squats si dënim. Ajo e përfundoi sfidën pa asnjë ngurrim, duke marrë duartrokitje nga disa prej banorëve.

Për më tepër, për një rastësi, Rizarta ishte e veshur me rroba sportive, gjë që e bëri dënimin edhe më të lehtë për të.

Pas sfidës, Egli e komplimentoi Rizartën, duke i thënë se dukej shumë bukur, një moment që surprizoi të pranishmit, duke parë se dyshja kanë pasur një marrëdhënie të tensionuar ditët e fundit.

Tensionet mes tyre nisën pas vendimit të Gjestit për të ndarë shtratin me Rizartën për dy javë, një zgjedhje që shkaktoi drama dhe diskutime brenda shtëpisë.

Lexo po ashtu "Rizarta nuk është e rrezikuar për dy javët e ardhshme", plas debati mes vajzave, pas tërheqjes së Eglit nga sfida

Megjithatë, ky moment gjatë lojës la të kuptohet se mes Eglit dhe Rizartës mund të ketë ende hapësirë për një marrëdhënie më të qetë.

A do të jetë ky fillimi i një paqeje mes tyre, apo gjithçka mbetet thjesht një moment i përkohshëm, mbetet për t’u parë në vazhdim. /Telegrafi/