Loja e basketbollit për vajzat e shkollës së mesme në SHBA përfundon me një përleshje – më së keqi e pëson arbitri

Një lojë vajzash në basketboll në Westfield mori një kthesë të dhunshme kur një përleshje shpërtheu midis një arbitri, lojtarit dhe disa spektatorëve që përfundoi me një ekip që u dëbua nga turneu.

“Po, ishte një incident i pafat që duhej të adresonim këtë fundjavë”, ka thënë Evan Suttner, presidenti i Qendrës Atletike të Pacers, të enjten, përcjell Telegrafi.

Sipas mediave të huaja, sherri ndodhi gjatë fundjavës në Prime Midwest Event në Pacers Athletic Center gjatë një ndeshje midis Baylor Basketball dhe Indiana Elite.

Baylor po kryesonin me 16 sekonda të mbetura në çerekun e parë kur trajneri i tyre filloi të debatonte me gjyqtarin për një vendim të tij.

There’s Nothing Like Indiana AAU Basketball pic.twitter.com/leBnsscvbE

— Mantis (@YoungMantis2) April 12, 2021

Një faull teknik u thirr ndaj Baylor dhe trajneri mori çantën për të lënë ndeshjen. Lojtarët e saj dhe stafi tjetër i ekipit u zhvendosën gjithashtu për të lënë fushën.

Ndërkohë, një spektator u shfaq afër gjyqtarit. Është e paqartë nëse spektatori tha diçka, por videoja tregon gjyqtarin duke grushtuar spektatorin, gjë që bën që një lojtar i Baylor të reagojë, duke “hedhur” grushte.

Një tjetër spektator bashkohet për të sulmuar gjyqtarin, i cili më pas kthehet dhe ulet në fushë ndërsa lojtari vazhdon ta grushtojë atë. /Telegrafi/