Lobimi i Daçiqit kundër Kosovës, reagojnë nga Presidenca: Serbia shkel marrëveshjen nëse voton kundër anëtarësimit në organizata ndërkombëtare

Blerim Vela, shef i Kabinetit të presidentes Vjosa Osmani ka thënë se ministri i Jashtëm i Serbisë, Ivica Daçiq po i viziton vendet që janë nën sferën e ndikimin rus dhe ky është një veprim i dëshpëruar për të minuar zbatimin e nenit 4 të marrëveshjes me Kosovën.

Vela në një postim në Twitter shkruan se Serbia së shpejti do të vihet në sprovë.

“Daçiq po viziton vendet që janë nën sferën e ndikimit rus. Një veprim i dëshpëruar për të minuar zbatimin e nenit 4 të marrëveshjes me Kosovën. Serbia do të shkelë nenin 4 nëse voton kundër anëtarësimit në organizatat ndërkombëtare. Së shpejti do të vihet në sprovë!”, shkruan Vela.

Neni 4 i Marrëveshjes Kosovë-Serbi thekson se palët vazhdojnë me supozimin se asnjëra nga të dyja nuk mund të përfaqësojë tjetrën në sferën ndërkombëtare ose të veprojë në emër të saj dhe se Serbia nuk do të kundërshtojë anëtarësimin e Kosovës në asnjë organizatë ndërkombëtare.

Lexo po ashtu Këto janë 11 pikat e propozimit evropian për marrëveshjen Kosovë-Serbi

Ndryshe, ministri i Punëve të Jashtme të Serbisë, Ivica Daçiq, në vizitën e tij në Taxhikistan dhe disa vende tjera ka lobuar kundër Kosovës. /Telegrafi/

Dačić is touring countries that are under Russian sphere of influence.

A desperate move to undermine implementation of article 4 of the agreement with Kosovo.

SRB will be in violation of article 4 if it votes against ?? membership to int’l orgs. Soon it will be put to the test! pic.twitter.com/nBSXpBAzZU

— Blerim Vela (@Blerim_Vela) April 8, 2023