Liverpooli ‘i gatshëm’ ta shesë lojtarin kryesor – tre kandidatët e mundshëm për ta zëvendësuar atë

Liverpool është shprehur i gatshëm të shesë një ndër lojtarët kryesor të ekipit pas barazimit me Manchester United, sipas raportimeve të fundit.

Të dielën, Unitedi dhe Liverpooli luajtën baras me rezultat 2-2, vetëm tri javë pas duelit që ‘Djajtë e Kuq’ e fituan ndaj tyre në kuadër të FA Cup.

Bëhet fjalë për Salah i cili edhe këtë sezon pati paraqitje fantastike për ‘Të Kuqtë’, duke shënuar 17 gola dhe duke kontribuar me nëntë asistime në Ligën Premier.

Megjithatë, siç raporton HITC, shefi i Liverpoolit, Michael Edwards, është i gatshëm që të kompletojë largimin e Salahut këtë verë.

Lexo po ashtu "Messi është Messi dhe unë e dua atë" - Salah me një përgjigje fantastike kur pyetet për yllin argjentinas

Al Ittihadi kishte ofruar 150 milionë euro për shërbimet e egjiptianit verën e kaluar, por këtë ofertë e kishte refuzuar Liverpooli.

Sidoqoftë, interesimi i tyre nuk është zbehur dhe klubi saudit pritet që të bëjë edhe një ofertë tjetër për 31-vjeçarin i cili ka edhe 18 muaj të mbetur në kontratën e tij tek Liverpooli.

Raportimi shton se në rast se Salah largohet përfundimisht, një sërë kandidatësh janë duke u konsideruar për zëvendësimin e tij.

Kjo listë e lojtarëve që mund ta pasojnë Salahun tek Liverpooli përfshin lojtarë si Pedro Neto, Nico Williams dhe Florian Wirtz./Telegrafi/