Liverpooli fitues i Superkupës së Evropës, mposht Chelsean pas penalltive

Liverpooli dhe Chelsea zhvilluan një ndeshje të bukur në Superkupën e Evropës, ku nuk munguan golat dhe rastet e shumta të shënimit.

Koha e rregullt u mbyll 1-1, ndërsa vazhdimet 2-2, duke bërë që penalltitë ta vendosin fituesin, e që në fund i buzëqeshën Liverpoolit (5-4).

Rastin e parë në ndeshje e kishte Mohamed Salah, por që gjuajtja e tij u prit nga Kepa Arrizabalaga. Top shkon në goditje këndi pas intervenimit të spanjollit.

Chelsea u kundërpërgjigj me Pedron në minutën e 22-të, por që goditi shtyllën me një goditje të fuqishme. Fat për Liverpoolin.

Virgil van Dijk me kokë e provoi fatin, po as ky nuk shënoi.

Goli i Chelseat erdhi në minutën e 38-të, kur Olivier Giroud mori një pasim të bukur nga Christian Pulisic dhe e dërgoi topin në rrjetë për 1-0.

Të besuarit e Frank Lampard nuk u ndalën dhe arritën të shënon edhe një herë me Pulisic, por goli u anulua për pozitë jashtë loje.

GIROUD GOAL pic.twitter.com/dZ1okqzVSf

— s (@qwertydkdkdk) August 14, 2019

Pjesa e dytë nisi më mirë për Liverpooli, që e futi në lojë Roberto Firminon.

Ishte minuta e 48-të kur ndeshja u barazua. Braziliani Firmino pasoi te Sadio Mane i cili në portën e zbrazët shënoi për 1-1.

48' Sadio Mane
Liverpool 1-1 Chelsea #SuperCup #sadiomane pic.twitter.com/z5pIo1r74T

— ibrahim 1903 (@kahve_rengi1903) August 14, 2019

Pas dy minutash Liverpooli ka mundur të kalojë në epërsi, por goditja e Fabinhos shkoi ngjitur me shtyllën.

Liveropooli kishte më shumë nga loja në pjesën e dytë edhe pse Chelseat iu anulua edhe një gol për pozitë jashtë loje.

Më minutat 75 dhe 76, Virgil van Dijk dhe Mohamed Salah, kishin rastet e tyre, por Kepa Arrizabalaga ishte në vend.

Chelsea rrezikoi në minutat 80 dhe 82. Madje Mason Mount shënoi, por ishte në pozitë jashtë loje. Pedro pas tij humbi rast të mirë.

Gjyqtarja e ndeshjes Stephanie Frappart akordoi vetëm dy minuta lojë shtesë, por që nuk pati gola deri në fund.

Vazhdimet dolën të jenë të zjarrta, pasi golat nuk munguan, ndërsa rastet ishin të shumta.

Pas një loje të bukur mes Firmino dhe Sadio Mane, ky i fundit e gjeti rrjetën për të shënuar për 2-1. Zhvillohej minuta e 95-të.

95' Sadio Mane
Liverpool 2-1 Chelsea

https://t.co/A7OZ5hYK1L

— Avcılar (@AvciIar) August 14, 2019

Por Chelsea nuk u dorëzua dhe shpejt e gjeti barazimin.

Blutë fituan penallti dhe nga pika e bardh i saktë doli të jetë, Jorginho.

Pjesa e parë e vazhdimeve u mbyll 2-2.

https://twitter.com/MatchGoalsss/status/1161745854996373504

Në pjesë e dytë të vazhdimeve, nuk kishte më gola dhe fituesi u desh të vendosej në penallti.

Liverpooli ishte më i mirë në fund duke fituar 5-4 .

/Telegrafi/

https://www.youtube.com/watch?v=cSHGQDX8_yw